PR Lansa Livru Autor Pe. Martinho Gusmao

PR Lansa Livru Autor Pe. Martinho Gusmao

- in Nasional
43
0
PR Lu OLo

DILI-Prezidente Republika Francisco Guterres Lu Olo, halo lansamentu livru autor Pe.Martinho Gusmao, konaba pensamentu politiku Nicolau Lobato Nian.

Iha diskursu Prezidenti Republika Francisco Guterres Lu Olo hatete, Tinan haat nulu liuba, povu Timor Leste-nia maun doben Nicolau dos Reis Lobato, enkuantu halo funu daudaun, hetan tiru no mate ho onra no gloria, ho kilat iha liman.

Permite Prezidente da Republika hatoo lai nia sentimentu pesoal. Iha istoria foin liuba, Nicolau mak oan murak liu Timor-Leste nian. Iha istoria ohinloron nian, figura aas liu iha Timor Leste-nia Patria mak Nicolau mos.

Tanba nee, ha u hakarak fo parabens ba Reverendu Padre Martinho Gusmao tanba lori mai ita, ba ita hothotu, obra foun ida, neebe fo-sai pensamentu/hanoin politiku husi Nicolau dos Reis Lobato, lider neebe haree burus no dook. Bainhira nia hetan tiru no mate, ho kilat iha liman, nia kaer hela kargu nuudar Prezidente   FRETILIN no Prezidente ba ita-nia Primeira Republika,” dehan PR Lu Olo liu husi diskursu, bainhira iha seremonia lansamentu livru autor Pe.Martiho Gusmao konaba pensamentu politiku Nocolau Lobato nian, neebe halao iha Palasiu Prezidente Nicolau Lobato, Dili, Sesta (30/11/2018).

Xefe Estadu dehan, hanesan Prezidente Republika aproveita oportunidade ida nee hodi agradese instituisaun rua, Centro Nacional CHEGA no Fundasaun Dato Siri Loe II,  neebe tulun hodi hamosu obra nee.

Tanba nee hakarak halo  apelu ba hothotu, iha livru nee, atu ema hotu estuda, liuliu tinan ida nee, hanoin klean, mesa-mesak ka nuudar grupu, kona-ba kontribuisaun sukat rohan-laek, neebe  Nicolau husik hela mai povu Timor Leste, legadu nee murak loos no presiza estuda duni.

Iha fatin hanesan Pe.Martinho Gusmao hanesan autor livru konaba pensamentu politiku Nocolau Lobato Nian hatete, Dejafiu pratikamente so finansiamentu, tanba bainhira hahu projetu ida nee CNC aseita proposta, maibe depois komu dehan estadu frajil be labamentu mos frajil hotu.

Entretantu partisipa iha seremonia lansamentu autor livru Pe. Martinho Gusmao mak hanesan, Prezidente da Republika Francisco Guterres Lu Olo ho Espoza, Przsidente Tribunal Rekursu Deolindo do Santos, Ex-Titulares Órgauns Soberania, membrus Parlamentu Nasional, membrus do VIII Governu Konstitusional, Membrus Korpu Diplomatik, Reprezentantes husi Konfisoens Relijiozas, Prezidente Fundasaun Dato Siri Loe II, Diretor Ezekutivu Centru Nacional CHEGA, Reverendu S Padre Martinho Gusmao, Keridus Kombatentes Libertasaun Nasional no Keridus kompatriotas sira. Notisia kompletu lee iha jornal STL edisaun Segunda (03/12/2018). Carme Ximenes

Facebook Comments

Leave a Reply

Your email address will not be published. Required fields are marked *