PR: Inundasaun Halo Sidade Dili Sai Tahu Laran

PR: Inundasaun Halo Sidade Dili Sai Tahu Laran

- in Nasional, Notisias Online, Politics
140
0
maxresdefault(1)

DILI– Akontese udan iha sesta lokraik semana kotuk halo sidade Dili sai tahu laran, no akontese inundasaun nee halo joven ida lakon vida no balun sai vitima.
Tuir Prezidente Republika Francisco Guterres Lu Olo liu husi komunikadu imprensa iha Palasiu Prezidente Bairru Pite Sesta 20/03 katak udan neebe mak akontese iha loron sesta hamosu inundasaun halo sidade Dili sai tahu laran, no sobu mos komunidade barak nia uma.

Prezidente Republika dehan Dili sai sidade tahu-laran, uma naksobu ka aat, familia barak lakon sasan no aihan, agora rai-rahun sae makaas.

Ita-nia ema nia saude tama iha risku. Afetadu sira presiza ita hotu nia apoiu. Presiza hahan, bee moos, roupa, aimoruk, material ba harii ka hadiak uma. Serbisu Protesaun Sivil mak koordena fahe ajuda ba afetadu sira. Ita presiza hamoos no hadiak lalais Dili. Governu presiza dolar amerikanu tokun rua nulu (20 milloins) atu hadiak infraestrutura sira neebe bee sobu ka estraga, katak Prezidente Lu Olo.

Prezidente Republika hatoo hakuak boot no solidariedade ba maluk afetadu sira iha tempu halerik ba susar oin-oin neebe hatodan sira-nia moris.

Hau-nia hakuak boot ba familia neebe lakon joven ida husi uma-laran, Maun, bin, alin doben sira,Tempu too ona atu ita hotu hadeer ho medida foun no efetivu liu hodi ita labele hasoru tan konsekuensia boot hanesan nee ba ita-nia Povu nia moris. Hau husu ba hotu-hotu fo liman ba malu, serbisu hamutuk, iha tempu susar ida nee. Husu ba entidade relevante sira atu haree oinsa hadiak sidade Dili ho Planu Urbanizasaun ida neebe fasilita populasaun nia moris-diak, iha tempu neebe deit. Hau-nia rekonesimentu ba serbisu protesaun sivil, ba xefe suku sira no komunidade tomak tanba sira-nia atuasaun lalais iha terenu hodi fo asistensia ba família sira neebe afetadu husi udan boot no bee sae, dehan Lu olo.
Xefe Estadu mos apresia no agradese Instituisaun F-FDTL no PNTL sira-nia serbisu tulun halo limpeza iha sidade laran.

Hau apresia no agradese mos ba emprezas no setor privadu neebe tulun populasaun ho sira-nia ekipamentu no transporte pezadu hodi ajuda halo limpeza jeral. Nunee mos ba joven sira iha bairru neebe fo sira-nia solidariedade ba maluk sira neebe husu sira-nia ajuda no protesaun, katak Lu Olo.

Aman Nasaun nee mos hatoo agradese ba serbisu meteorolojiku tanba fo informasaun loloos kona-ba previzaun ba tempu. Prezidente bolu ema hotu nia atensaun tanba, tuir serbisu meteorolojiku, ohin no aban bele hasoru dala-ida tan udan boot no anin makaas.
Lu Olo mos Husu ba Parlamentu atu aprova lalais proposta-lei alterasaun ba Lei ba Orsamentu no Jestaun Finanseira atu Governu bele foti osan lalais hodi responde ba Povu nia susar no Pais tomak nian.

Haree ba inundasaun neebe mak estraga populasaun nia uma mak Gabinete de Apoio a Actividade do Conjuge do Presidente do Republika liu husi Espoza Prezidente Republika, sesta entrega apoiu material ba vítima inundasaun sira iha Becora Temporaria (Eis-Merkadu Becora), Postu Administrativu Cristo Rei.
Espoza Prezidente Republika, Cidalia Nobre Lopes Guterres hatete, kuaze komunidade barak mak afeta husi inundasaun maibe komunidade afetadu balun hetan ona apoiu no komunidade afetadu iha Becora Temporaria mak seidauk hetan apoiu ruma husi Governu ka ema seluk.

Espoza dehan komunidade barak mak afeta husi inundasaun nia mos akompanha iha komunidade afetadu barak mak simu ona maibe iha fatin refere mak seidauk hetan. Entaun, husi gabinete lori sasan, mai fahe ba afetadu sira nee. dehan Espoza Prezidente Republika, Cidália Nobre Lopes Guterres.
Sasan neebe mak husi Gabinete PR fahe ba afetadu inundasaun sira iha fatin Becora Temporaria sira mak hanesan fos marka Nasi Enak 25 kg karon 182, mina marka “Bintang” dos 37, bunga softhener dos 20, supermie dos 80, raga tau etu nian 30, bikan milanium duzia 30, manta 40, kulsaun 40, tasu dadang ekonomis 60, tasu 60, balde 30, vaskom 30, kanuru han nian duzia 60 no Konteiner 10.

Gabinete Espoza prezidente hamutuk ho kaza sivíl haruka sasan ba parte Protesaun Sivíl nian mak foin fahe ba vítima afetadu sira maibe horikalan informsaun fo sai katak komunidade Becora Temporaria seidauk hetan apoiu ruma.

Xefe Casa Sivil Francisco Maria De Vas Concelos hatutan udan neebe mak akontese iha sesta liu ba ida nee volume boot liu Kompara ho tinan tinan kotuk liu. no akontesementu udan nee fo impaktu neebe mak boot tebes hanesan iha Sidade Dili nakonu ho tahu inklui mos palasiu Prezidente rasik nakonu ho tahu no rai Rahun.

Reportajen: Emerenciana Pinto

 

 

Komentariu

Facebook Comments

Leave a Reply

Your email address will not be published. Required fields are marked *