PR Husu Autorizasaun PN Deklara Estadu Emerjensia

PR Husu Autorizasaun PN Deklara Estadu Emerjensia

- in Nasional, Notisias Online, Politics
214
0
download (5)

Editora:Carme Ximenes

DILI – Presidente Republika Francisco Guterres Lú Olo, haruka karta ka proposta ba iha Parlamentu Nasional, husu autorizasaun, atu deklara  Estadu Emerjensia bazeia ba pedidu husi Governu.

Prezidente Republika husu autorizasaun husi PN nudar dalan atu prevene kalamidade publika neebe bele mosu husi virus Corona. Prezidente Republika nudar Xefe Estadu iha obrigasaun atu proteje ema hotu hotu neebe moris iha Timor Leste, atu moras nee la harahun povu no pais.

Ho Parlamentu ninia autorizasaun, Prezidente Republika sei deklara Estadu Emerjensia. Ho medidas nee, Estadu tomak iha kbiit legal hamriik luta hasoru COVID-19.

Hafoin remata Konsellu Estadu no Konsellu Superior Defeza no Seguransa Xefe Kaza Sivil Palasio Prezidensial, Franscisco Vasconcelos hatete, iha loron Segunda  Prezidente Republika simu ona pedidu husi governu, neebe husu Presidente Republika atu dekreta Estadu Emerjensia.

Nia dehan, bainhira Prezidente Republika simu tia pediu husi governu, Presidente Republika konvoka kedas reuniaun Konsellu Estadu no Konsellu Defeza no Seguransa.

Nee urjente  tanba nee ohin ou tarde liu aban Prezidente Republika sei haruka karta ba Parlamentu Nasional, bainhira Parlamentu autoriza mak Prezidente sei dekreta Estadu Emerjensia, Dehan Xefe kaza Sivil  ba jornalista sira iha Palasio Prezidente, Aitarak-Laran, Bairo-pite, Dili, (24/03/2020).

Deklarasun Estadu Emerjenia sei limita suspende direitu balun, liberdade balun no garantias balun neebe Konstituisaun fo sidadaun sira.Prezidente Republika fiar katak medidas sira nee sei kombate COVID-19 hadaet husi ema ba ema ba bebeik.

Prezidente Republika simu proposta Estadu EMERJENSIA HUSI Governu horiseik,23 Marsu no konvoka kedas enkontru ho karakter urjenia, ho Konsellu Estadu, Konsellu Superior Defeza no Seguransa, ohin 24 Marsu, iha loron nee kedas, hafoin rona opiniaun sira husi membru Konsellu Estadu, Konsellu Superior Defeza no Seguransa no tekniku balun, Prezidente Republika foti desizaun no haruka kedas ninia mrnsajen husu autorizasaun Parlamentu Nasional atu deklara estadu Emerjensia.

Entretantu membru Konsellu Superior Defeza no Seguransa neebe partisipa iha reuniaun nee mak Prezidente Republika Francisco Guterres Lú Olo,Primeiru Ministru Taur Matan Ruak, Ministru Negosiu Estranjeiru no Kooperesaun Dionisio Babo, Ministru Defeza no Seguransa Filomeno Paixao,Xefe Estadu Maior Jeneral F-FDTL Lere Anan Timur,Komisariu PNTL Faustino da Costa, Ministru Justisa Manuel Carceres, husi Parlamentu Nasional deputadu Aderito Hugo da Costa, deputadu David Dias Ximenes no Jose Manuel Fernandes.

Nunee mos   Membru Konsellu Estadu neebe mak partisipa iha reuniaun nee mak Prezidente Republika Francisco Guterres Lú Olo, Primeiru Ministru Taur Matan Ruak, Eis Prezidente Republika sira,  Prezidente Parlamentu Nasionál Arão Noe no membru neebe nomea husi Prezidente Republika: Oscar Lima, Alcino de Araujo Barris, Maria Dadi Soares Magno, Laura Soares Abrantes, Faustino da Costa no nomea husi Parlamentu Nasional: Eduardo de Deus Dusae’, Aurora Ximenes,  Jose Cornelio Guterres, Arcangelo de Jesus Gouveia Leite, Jose dos Santos ‘Naimori Bucar’.

Enkontru PR- KSDS Seriu

Ministru Negosiu Estranjeiru no Kooperasaun, Dionisio da Costa Babo hatete, enkontru entre Prezidente Republika ho Konsellu Estadu no Konsellu Defeza Seguransa seriu liu, liga ho asuntu Virus Corona (COVID-19).

Konsulta entre Prezidente Republika ho Konsellu Estadu no Konsellu Seguransa nee mais do que seriu, laos seriu deit, maibe mais do que Seriu, dehan Ministru nee ba jornalista sira, hafoin remata partisipa enkontru Konsellu Superior Defeza no Seguransa iha Palasiu PR Nicolau Lobato, Barru Pite, Dili, Tersa (24/03/2020).

Iha biban nee Ministru dehan, relasiona ho Jornal iha Portugal neebe imforma katak Timor oan iha virus Corona halo agreasaun fizika ba professor portugues sira no sira barak tauk, ida nee bosok.

Nia dehan, governu Timor Leste liu husi Ministru Defeza no Seguransa no MNEK ho Polisia halo verifikasaun iha terenu hatudu katak, laiha agreasaun fiziku hasoru estranjeiru ida nen husi nasionalidade espesifika tanba virus Corona.

Iha ita nia Timor oan balun mak dala ruma halo reasaun tanba falta koinesementu kona ba moras ida nee, maibe laiha reasaun ida hasoru ema estranjeiru ou ema husi nasionalidade espesifiku, tanba nee mak hau hakarak hatete katak informasaun nee lalos , katak Ministru nee.

Governante nee mos apelu ba Timor oan hotu labele halo diskiriminasaun ba ema ida, tanba moras neebe mak agora dadaun iha nee, moras umanidade hasoru laos moras husi nasaun  ida mak lori ou nasaun ida mesak mak hasoru, tanba nee mak Timor oan hamutuk ho nasionalidade sira seluk, neebe mak iha Timor atu bele kombate moras nee.

Lori governu nia naran hatete katak notisia nee laiha fundamental, cek ona husi polisia husi leten mai kraik, maibe laiha buat ida iha reasoens vervais kona ba virus Corona  nee, katak nia.

Liu husi komunikadu husi Palasiu mos hatete Prezidente Republika, Francisco Guterres Lu Olo, prezide reuniaun Konsellu Superior Defeza no Seguransa (KSDS) hodi halo analiza hamutuk kona-ba pedidu husi Governu atu deklara Estadu Emerjensia, liga ho COVIC-19 neebe mak oras nee sai preokupasaun ba iha nasaun tomak no halo povu barak mos mate ona.

Antes nee mos liu reuniaun Konsellu Ministru, aprova Projetu Rezolusaun Governu neebe mak aprezenta husi Ministru Negosiu Estranjeiru no Koperasaun, Dionisio da Costa Babo Soares, estende aplikasaun no ezekusaun medida temporaria, hodi halo interdisaun no restrisaun ba ema estranjeiru sira neebe mak atu tama mai rai-laran.

Emerenciana Pinto/Alberto Menezes

 

Komentariu

Facebook Comments

Leave a Reply

Your email address will not be published. Required fields are marked *