PR Halo Audensia Ho Saudozu Mau-Lear Nia Oan

PR Halo Audensia Ho Saudozu Mau-Lear Nia Oan

- in Nasional
30
0
download (3)

DILI– Prezidente Republika Francisco Guterres Lu Olo halo audensia ho Saudozu Mau-Lear no Saudoza Bilear nia oan, neebe mak durante lakon iha funu laran no ohin familia hetan fali ona.

Bainhira remata halo audensia Luli H. Wirawan, Oan Husi Saudozu Mau-Lear ba jornalista sira iha Palasiu Prezidente tersa (26/11) dehan, nia sente haksolok bele hasoru malu ho familia sira iha Timor-Leste maske tinan barak nia laran lahasoru, lahatene no lakonese maibe ohin bele hasoru sira bele fila hikas mai iha Timor-Leste, nia mos espera katak ba oin bele iha relasaun metin nafatin ba oin.

Ami mos esepera katak Timor-Leste ba oin sai nasaun neebe mak diak ba oin nafatin ho nain jesus nia bensaun nafatin, katak Luli.

Nia dehan Bainhira too iha Timor-Leste ho sentimentu neebe mak emosional oituan, tanba durante tinan naruk nia laran lahatene nia istoria rasik maibe ikus nia hatene nia familia.

Nunee mos Jose Antonio Pereira Carvarino, oan segundu husi saudozu Mau-lear mos dehan Premeiru ves nia tun iha Dili hodi hasoru malu ho nia maun no familia, iha momentu nee sai momentu neebe mak halo nia labele halo esplikasaun bainhira hasoru nia maun no Nicolau Lobato nia oan.

Nunee mos familia husi Saudozu Mau-Lear Eis Deputadus Eladio Falulto De Jesus dehan Ohin enkontru ho Prezidente Republika no prezidente fo hela onra boot ida ba familia Mau-Lear nia liu husi kondekorasaun ba saudozu. Informasaun kompletu, iha jornal STL, edisaun Kuarta (27/11/2019). Emerenciana Pinto

Komentariu

Facebook Comments

Leave a Reply

Your email address will not be published. Required fields are marked *