PR Governu Foun Hadia Instituisaun PNTL F-FDTL

PR Governu Foun Hadia Instituisaun PNTL F-FDTL

- in Nasional
464
0
0013

DILI – Prezidente Republika husu atu governu foun hadia instituisaun rua, hanesan Polisia Nasional Timor Leste (PNTL) ho Falintil Forsa Defeza Timor Leste (F-FDTL), tanba sira mak fo seguransa ba povu.

Tuir Prezidente Republika Francisco Guterres Lu-Olo katak, PNTL sei hamutuk ho F-FDTL, atu halao servisu ho diak. Nunee governu foun, hadia diak liu tan instituisaun rua nee.

Aban bainrua governu foun mai, atu bele hadia diak liu tan, instituisaun rua PNTL ho F-FDTL, para atu bele kompleta malu iha servisu. Maibe iha atividade ketak-ketak, PNTL nia servisu ketak, F-FDTL nia servisu ketak. Nunee too iha momentu ida, sira nain rua bele kompleta malu atu bele halo servisu diak liu tan,” hateten PR Lu-Olo Jornalista sira, bainhira remata enkontru iha Kuartel Jeral PNTL Segunda, (17/07/2017).

Xefi estadu nee salienta tan, ba oin sei hare operasionais militar no mos ba komplementalidade PNTL no F-FDTL nian. Nee hanesan prinsipiu neebe mai husi konselhu defeza seguransa, ba PNTL no F-FDTL atu kaer, buat hirak nee hotu.

Iha fatin hanesan, Komandante Jeral PNTL Komisariu Polisia Julio da Costa Hornai hateten, vizita Prezidente nee atu hare servisu neebe sira halao, liu-liu seguransa iha elesaun nee. Terezinha De Deus/Lusia Ximenes

Facebook Comments

Leave a Reply

Your email address will not be published. Required fields are marked *