PR Fo Indultu Ba Prizioneiru Nain-8

PR Fo Indultu Ba Prizioneiru Nain-8

- in Nasional
17
0
maxresdefault (1)

DILI– Komemorasaun 28 Novembru Proklamasaun Indepedensia Timor Leste ba dala 44   Prezidente Republika Francisco Guterres Lu Olo Fo Indultu Ba Prizioneiru Nain-8.

Liu husi komunikadu imprensa Bainhira Fo Indultu Ba Prizioneiru Nain-8 Prezidente Republika Francisco Guterres Lu Olo dehan nia ezerse ninia kompetensia konstitusional hodi fo indultu total ka livre no parsial ka hamenus pena prizaun ba prizoneiru nain-8 iha loron komemorasaun Proklamasaun Independensia  ba dala-44

PR fo Indultu Liu husi Dekretu Prezidente Republika numeru  51/2019, 52/2019, 53/2019, 54/2019, 55/2019, 56/2019,  57/2019, iha loron-27 fulan novembru,  Xefe Estadu uza nia kompetensia eskluziva, hafoin rona Governu, fo indultu total ba Juliana Vidigal da Silva no Amancio Lopes  no  parsial ba prizioneiru hodi hamenus pena fulan-6 ba Donato Fernandes,  Ercio da Conceição no João Miguel Arcanjo do Rego Correia Matos, tinan-1 ba Etelvino Costa Saldanha  no tinan-2 ba Zeferino da Silva Soares no Marcelo Soares.

Tuir artigu 85, alinea 1 husi Konstituisaun Republika hatete katak Prezidente Republika deit mak bele fo indultu ka hamenus kastigu, depois de rona Governu neebe konjuga ho artigu 3 no 4 Lei numeru 5/2016, 25 maiu.

Definisaun saida mak indultu no hamenus kastigu haktuir iha Kodigu Penal neebe aprova ho Dekretu-Lei numeru 19/2009 no Lei numeru 15/2016 mak regula kondisaun no prosedimentu atu fo indultu ka hamenus kastigu. Prezidente Republika halo nia kompetensia tuir deit lei haruka. Dekretu Prezidente sira nee sei tama iha vigor iha 28 novembru 2019. Emerenciana Pinto

 

Komentariu

Facebook Comments

Leave a Reply

Your email address will not be published. Required fields are marked *