PR Eleitu Husu Governu Konvida Orgaun Suku Partisipa Tomada Pose

PR Eleitu Husu Governu Konvida Orgaun Suku Partisipa Tomada Pose

- in Nasional
328
0
Lu Olo-kandidatu

DILI – Prezidente eleitu husu ba governu atu bele lori orgaun suku, hodi bele partisipa iha serimonia tomada pose neebe sei halao iha loron 20 Maiu 2017 iha Tasi Tolu-Dili.

Tuir Prezidente eleitu, Francisco Guterres “Lu-Olo” hatete, serimonia tomada pose ba prezidente eleitu nee presiza mos konvida orgaun suku hotu-hotu iha Timor Leste mai atu bele partisipa.

Ami koalia mos konaba posibilidade atu bele konvida mos xefe suku sira ou orgaun suku hotu-hotu iha Timor Leste mai atu bele partisipa iha tomada pose,” dehan Prezidente eleitu, Francisco ba jornalista sira hafoin remata sorumutu ho PM iha sede nasional CCF, Comoro-Dili, Kuarta (19/04/2017).

Prezidente eleitu, Francisco haktuir, sira nain rua mos deskute konaba preparasaun ba tomada pose iha 20 Maiu neebe governu liu husi administrasaun estatal prepara.

Iha fatin hanesan, Primeiru Ministru (PM), Rui Maria de Araujo dehan, hanesan governu konkorda ho hanoin Prezidente eleitu nian posibilidade hodi konvida mos orgaun suku sira partisipa iha serimonia tomada pose nee.

Entertantu, Xefe Suku Motael, Cornelio de Araujo Lopes esplika, hanesan autoridade lokal prontu atu partisipa serimonia tomada pose ba prezidente eleitu neebe mak sei simu pose iha loron 20 fulan Maiu nee. Raimundo S. Fraga

Facebook Comments

Leave a Reply

Your email address will not be published. Required fields are marked *