PR Aseita Reativa GAM

PR Aseita Reativa GAM

- in Politics
74
0
Lu Olo

DILI —  Prezidente Republika Francisco Guterres Lu Olo aseita reativa Grupu Arte Marsiais (GAM) nuudar desportu ida bele halo kompetisaun iha modalidade nivel rejional no internasional , maske parte governu tenke halo lei hodi regulariza.

Hau hatete ona ba ministru Defesa No Seguransa, Filomeno Paixão no komandante PNTL Julio Hornay no Xefi estadu maior Falintil Forsa Defeza de Timor-Leste Maijór Jeneral Lere Anan Timur katak importante governu no parlamentu halo lei ida hodi  kontrolu grupu arte marsiais sira bainhira reativa fila fali.  Para sira hamriik hanesan oranizasaun desportivas ida para  bele partisipa iha desposrtu iha ita-nia nasaun nia no iha estranjeiru” dehan aman nasaun iha palásiu Nobre Lahane ohin, (08/02/2019)

Nia hatutan arte marsiais dadaun  sai ona hanesan desportu ida sira bele partispa iha kompetisaun nasional no rejional neebe mak iha. Tan nee reativa arte marsiais bele fo valor ba sira liu husi jogu arte marsiais ka husi jogu artes desportivas nian. “Hau husu deit ba alin arte marsiais sira para atu labele estraga malu, hau hakarak mak imi haree malu diak nafatin para bele halo rai ida nee hakmatek hodi ita bele hadiak ita nia dezenvolvimentu iha rai laran”, dehan PR Lu Olo.

Xefe Estadu nee fundamenta liu tan katak   grupu arte marsisiais nee nee ema ema maka halo komfrontu se nunee maka sira rasik maka tenke resposavel ba sira nia aktu sira. “Hau hanoin grupu arte marsiais nee ema mak halo karik, hau lahatene katak se ema husi arte marsiais nee mak halo, naturlamente sira halo krime nee prontu, i sira nee mak sai alvu duni ba polisia nasional hodi kaer  hodi ba tau iha justisa,” dehan PR Lu Olo.  Natalino Costa

Komentariu

Facebook Comments

Leave a Reply

Your email address will not be published. Required fields are marked *