PR Apresia Parpol Hamutuk Hadia Nasaun TL

PR Apresia Parpol Hamutuk Hadia Nasaun TL

- in Nasional
412
0
Lu Olo-kandidatu

DILI – Partidu Politiku (Parpol) sira neebe kompete iha eleisaun parlamentar, kompostu husi Bloku Unidade Popular (BUP), Partidu Republikanu (PR), Movimentu Libertasaun Povu Maubere (MLPM), Partidu Unidade Dezenvolvimentu Demokratiku (PUDD), partidu Frente-Mudansa (FM) halao debate dahuluk iha salaun Laline-Larigutu edifisiu CNE.

Tema ba debate konkorente eleisaun parlamentar mak “determina futuru lideransa”. Iha debate nee loke husi Prezidente Republika Demokratika Timor Leste.

Iha biban nee, Prezidente Republika, Francisco Guterres Lu-Olo hatete katak, hanesan prezidente republika sente laran ksolok tebes tanba partidu politiku sira bele tur hamutuk hodi kolia konaba dezenvolvimentu.

Ho laran ksolok, hau haree dala ida tan maluk reprezentante partidu politiku sira, tuur hamutuk atu haksesuk oin ba oin konaba programa partidu idaidak hanoin atu halobapovu no nasaunida nee,” dehan Prezidente Lu-olo liu husi diskursu iha salaun Laline-Larigutu, Caicoli-Dili, Segunda (17/07/2017).

Lu-Olo haktuir, liu husi debate politiku ida nee, sei koalia klean liu tan ho matenek no laran moos no hakmatek ba povu tomak no ba votante sira atu ida-idak hili partidu ka koligasaun ida neebe programa ukun diak liu tan.

Iha fatin hanesan, Prezidente CNE, Alcino Barris esplika, Komisaun Nasional Eleisaun (CNE) hanesan orgaun eleitoral ida neebe halo knar supervizor ba aktu eleitorais tomak.

Entertantu, Observador Politika-UNTL, Camilio Ximenes Almeida esplika, hanesan akademika apresia ba debate ida nee, maibe sujere presiza hadia tekniku balun konaba perguntas nian katak partidu sira tenke aprezenta mos ideolojia partidu nian atu ema hotu bele hatene. Raimundo S. Fraga

Facebook Comments

Leave a Reply

Your email address will not be published. Required fields are marked *