Povu TL Hakarak Haree Habibe, • Taur-Lu Olo La Prezensa

Povu TL Hakarak Haree Habibe, • Taur-Lu Olo La Prezensa

- in Nasional
69
0
logoqstll

DILI-Inagurasaun ponte prezidente B.J.Habibe Bidau Santa, konvida povu Timor Leste (TL), atensaun,nadodon hakarak haree ponte ho naran Habibe.

Tuir observasaun STL iha terenu, Kinta (29/08/2019), bainaka espesial neebe povu hein iha fatin seremonia mak Habibe, tan nee, bainhira Ministru Obras Publiku Indonesia, neebe sai hanesan reprejentante Prezidente Republika Indonesia Mochamad Basuki Hadimuljono, too iha fatin hetan basa liman husi komunidade neebe hein iha fatin seremonia, maske hamrik iha loron manas, maibe iha vontade nafatin, hodi hein seremonia refere too remata.

Inagurasaun ponte Habibe nee hetan marka prezensa husi prezidente Parlamentu Nasional Timor Leste (TL), Arao Noe da Costa Amaral, prezidente asembleia da Republika Portugal, Eduardo Ferro Rodrigues, hanesan reprejentante Prezidente da Republika Portugal, Primeiru Ministru (PM), Vanuatu, Charlot Salwai, membru governu, deputadu, korpu diplomatiku, komandante Jeral PNTL, bainaka, no komunidade sira  iha area Bidau Santana, Lecidere, maibe iha seremonia nee, Prezidente da Republika (PR), Francisco Guterres ho Primeiru Ministru (PM), Taur Matan Ruak la marka prezensa.

Bainaka sira neebe too iha fatin seremonia, simu direitamente husi protokolo sira, hodi tama too iha tenda laran, maibe bainaka balun tuur deit iha loron manas, tanba tenda neebe mak prepara, ladun boot no naton deit, antes seremonia nee lao, estrada husi palasiu do governu taka, too iha Bidau Lecidere, tanba bainaka sira neebe atu partisipa iha seremonia inagurasaun nee, para deit iha supermarket Lita Store ninia, hodi lao ba iha fatin seremonia, maibe seremonia nee hetan seguransa maximu husi membru Polisia Nasional Timor Leste (PNTL), no Falintil Forsa Defeza Timor Leste (F-FDTL).

Depois de inagurasaun ponte Habibe, bainaka, membru governu, deputadu, korpu diplomatiku, komunidade sira hakat kedas ba iha jardim, hodi haree konsorte muzika husi artista Timor oan sira, antes fahe malu, sira halo tebe-tebe iha jardim Bidau Santa Ana nian laran.*Ekipa  STL

Komentariu

Facebook Comments

Leave a Reply

Your email address will not be published. Required fields are marked *