Povu Simu Osan Baruk Halo Servisu

Povu Simu Osan Baruk Halo Servisu

- in Nasional
599
0
Agrukultur

DILI- Deputau bankada CNRT Domingos de Carvalho hateten, urante nee Governu fo ba povu , halo sira baruk halo tos ho natar, tanba hein deit  fulan fulan simu subsidiu husi Governu.

Ami hare katak iha osan terseira idade, osan veteranus sira nee maka halo  ita nia komunidade sira nee baruk atu halo servisu hanesan agrikultor ,” dehan deputadu Domingos ba STL, iha PN, Dili, Kinta (05/01/2017).

Nia dehan, Timor nee kuandu hetan oituan nia han hotu tiha maka servisu fali, ida nee maka labele dehan Governu maka lalos. Tanba uluk tempu portugues tau buat ida ditadura tinan walu resin ba leten ona selu imposta, maibe agora lae.

Iha fatin hanesan membru PN husi bankada Fretilin Leonel Marcal hateten, Governu fo subsidiu ba povu lasignifika atu halo povu sai baruk ten, maibe atu valorize sira nia luta ba ukun aan ida nee.

Nia dehan, ema barak dehan subsidiu sira nee halo povu baruk ten, ida nee maka persiza intropreksaun, apakah Governu maka abitua hanesan nee ka oinsa.

Entertantu Direitor ONG Gertak Fautinho Magno hateten, Sidadaun sira oras nee hatudu fali sira nia baruk, bainhira hetan osan oituan sira gasta hotu tiha maka sira foin servisu fali, neebe  labele dehan Governu tau osan boot maibe ladun tau atensaun ba sira. Informasaun kompletu iha STL Jornal no STL Web, edisaun Sesta (6/1/2017). Carme Ximenes

Komentariu

Facebook Comments

Leave a Reply

Your email address will not be published. Required fields are marked *