Povu Pursentu 46 Mal Nutrisaun

Povu Pursentu 46 Mal Nutrisaun

- in Nasional
95
0
download

DILI-Governu investe ona osan tokon atus rua lima nulu hodi hadia seguransa ai han iha rai laran, maibe povu Timor Leste kuaze pursentu 46 sofre mal nutrisaun.

Paska ukun aan Timor Leste hasoru problema barak, inklui problema mal nutrisaun.Tuir sosiadade sivil sira nia hare katak, governu abandona  atu halo investimentu ba produtu ai han neebe mak kontribui ba problema mal nutrisaun no seguransa aihan.

Maski Timor Leste halo ona parseiru  barak ho ajensia Internasional inklui setor privadu sira hodi fo resposta ba in seguransa ai han iha rai laran, maibe na relaidade mal nutrisaun kontinua eziste.

Ita haree husi 2002 ate agora investe tiha ona tokon atus rua lima nulu, ba hadia seguransa ai han no nutrisaun maibe agora mal nutrisaun stunting 46%, (raes badak) kontinua numeru neebe boot nunee mos probelma animia kontinua boot, hatete Daniel ba jornalsita sira, iha Hotel Villa Verdi, Dili, Sesta (13/12/2019).

 Mal nutrisaun kontinua eziste, tuir Daniel katak, tanba governu no parseiru sira la konsege sensebiliza  komunidade kona ba ai han neebe iha nutrisaun.

Ita nia governu no ita nia parseiru sira la konsege sensebiliza ita nia komunidade kona ba ai han neebe nutrisaun, dehan Daniel.

Maibe nia mos rekonese katak, iha rai laran ai han barak liu neebe iha nutrisaun neebe diak, maibe komunidade la konsume ai han nee, konsume fali ai han neebe laiha nutrisaun.

Tanba nee Daniel husu ba governu liu husi Ministeriu Saude, Edukasaun, Agrikultura, Ministeriu Komersiu Industria tenke servisu makas hodi rezolve problema malnutrisuan ho seguransa ai han iha rai laran.

Ita triste tanba governu iha nia dokumentus sira nee hatete nee prioridade mais sira la halo ivestimentu, loloos ita tama ona faze ida grave, hatete Daniel.

Governu tuir Daniel katak, halo politika ida importa foos husi rai liur ho intensaun ai han nee seguru, maibe la preokupa dehan ai han nee nutrisaun ka la nutritivu, naran foos tama mai ema han bosu, mais ema han isin diak ou lae nee, nee laos governu nia problema.

Iha biban nee emprezaria Kathelin Gonsalves  dehan, atu fo kontribuisaun ba iha seguransa ai han no nutrisaun nee , primeiru haree uluk lai produtivu, tanba produsaun neebe agrukultura  sira  produs sei menus.

Oinsa  setor pribadu atu investe makas iha ita nia seguransa ai han iha agrikultura, atu nunee ita bele lori akgrikultura nee sai orintadora iha merkadu, nia dehan.

Entretantu  iha DHS nia  peskiza demografia no saude iha tinan 2016 labraik ho idade 6- 59 bulan kazu mal nutrisaun stunting(raes badak) 46% , Underweight (todan menus) 40%,  Wasting(krekas)24% no overweight(bokur liu)6% . ESTI 05/Jeniche da Costa

Komentariu

Facebook Comments

Leave a Reply

Your email address will not be published. Required fields are marked *