Povu  Moris Harmonia

Povu  Moris Harmonia

- in International
43
0
images (2)

DILI-Santo Padre Papa Francisco husu povu Timor Leste atu moris iha pas no harmonia no enkoraza Prezidente Republika atu iha sentidu dialogu hodi kria kondisaun ba Dezenvolvimentu no sidadaun sira hotu.

Mensajen Papa Francisco nia hatoo husi Nuncio Apostolika Iha Timor Leste Monsenhor Marco Sprizzi ba Jornalista bainhira remata hasoru malu ho Prezidente Republika Francisco Guterres Lu Olo iha palasiu Prezidente Bairru Pite Dili Kinta (05/12).

Nuncio Apostolika Iha Timor Leste Monsenhor Marco Sprizzi dehan nia reprezenta Santos Padre mai iha Timor Leste hodi hasoru malu ho Prezidente Republika hanesan mos reprezentante vatikanu nian mai iha nee atu enkoraza no agradese ba Prezidente Republika nia esforsu no enkoraza mos PR atu esforsu iha sentidu dialogu, no sentidu kontribuisaun neebe mak nia fo ba tendensia konflitu hotu dezesperadu bele rezolve tuir konstituisaun, tuir povu nia hakarak hodi bele moris iha pas no harmonia.

Nuncio Apostolika dehan iha kontestu ida nee atu dehan katak bele favorese kondisaun ida diak liu no nesesitariu ba sira neebe presiza tulun liu liu ba labarik no joven sira, presiza tebes edukasaun formasaun saude, no buat hotu neebe mak sira presiza.

Tanba ida nee mak presiza estabilidade politika no harmonia social, informa Nuncio nee.

Santo padre mos katak Nuncio hatoo nia sentimentu ba nasaun  liu husi hau nomos ba timor oan sira inklui Prezidente Republika rasik, tanba Santo Padre mos hakarak no deseza mai vizita timor maske too agora seidauk iha desizaun ruma konaba santo padre nia desezu atu vizita Timor Leste nee sei iha konsulta kontinua deskute, maibe seidauk iha desizaun final, maibe ema hotu iha desezu no esperansa boot tanba liu husi esperansa loron ruma bele realize,” esplika Nuncio.

Monsenhor konsidera nutisia vizita santo padre mai iha Timor Leste  hanesan nutisia neebe ezazeradu tanba informasaun lolos nee bainhira iha ona desizaun final tanba seidauk iha data fiksu no desizaun.

Santo padre rasik iha desezu tanba nia rasik akompana situasaun iha Timor Leste,  Santo Padre konese diak situasaun Timor Leste, tanba informadu husi nunciatura apostolika iha Timor Leste. Tanba nee akompana ho esperansa nafatin nia desezu ida nee atu bele transforma ba realidade.

Nuncio mos informa konaba kriteria papa nia vizita iha nasaun ida tenke iha pedidu husi nasaun nee, tanba papa nia vizita nee sempre responde ba konvite.

Konvite nee normalmente tuir Nuncio tenke husi Xefe Estadu nunee mos mai husi Bispu sira iha mundu, nee normalmente iha konvite rua ou konvite ida maibe dupla husi parte Xefe Estadu reprezenta estadu nomos husi Bispu sira reprezenta igreza konvite, rua nee kuandu too iha papa no papa responde bazeia ba ninia programa rasik tanba papa iha konvite barak liu.

Nia dehan Santa Se nunka tama iha situasaun politika no tama debate politika lahola posizaun atu apoiu partidu ida ho partidu seluk.

Papa hetan intervista ida husi jornalista hafoin halao vizita iha honking, hafoin papa fila husi vizita husi Japaun no jornalista husu situasaun iha Honkong tanba iha konflitu no violensia maibe papa sempre no koalia konaba pas iha rai laran nomos iha rai liur. “Papa sempre koalia konaba pas no kontestu dialogu oinsa rezolve konflitu oinsa buka dalan atu hetan solusaun. Ita hatene katak igreza katolika sempre iha povu nia leet no politiku sira iha ambitu sira nia kompetensia neebe hetan mos respeita husi ema hotu oinsa buka solusaun ba problema iha rai ida tuir konstituisaun,” komenta Nuncio. Emerenciana Pinto

Komentariu

Facebook Comments

Leave a Reply

Your email address will not be published. Required fields are marked *