Povu Atauro Lasente Ukun Aan

Povu Atauro Lasente Ukun Aan

- in Politics
128
0
download (7)

DILI-Povu iha postu administrativu Atauro, munisipiu Dili, hetan tratamentu espesial, maibe sira lasente ukun rasik aan, tanba  laasesu  ba area infraestrutura baziku.

Atauro mak rai kiik no rai ketan oan ida neebe hamrik mesak iha nasaun Timor Leste, maibe besik tinan 20 liberta patria, mais komunidade sei moris nafatin iha inserteza nia laran, tanba lasenti dezenvolvimentu baziku hanesan eletrisidade, estrada no bee mos.

Tuir deputadu bankada FRETILIN Alexandrino Cardozu hatete, komunidade postu administrativu Atauro sente  seidauk ukun aan, maski sira hetan tratamentu neebe espesial, maibe hela deit ho naran, tanba povu moris aat liu.

Ami lao too iha komunidade nia fatin, ami  triste lahalimar,  komunidade neeba husi kedas postu ba too aldeia lamenta eletrisidade, estrada, bee mos no estrada, dehan Alexandrino liu husi sesaun plenaria, iha PN Segunda (16/12/2019).

Tanba tuir deputadu nee  katak, otel sira iha postu administrativu Atauro  bee mos laiha, kuandu atu hariis  komunidade ba lalin bee, tanba nee husu ba governu atu haree  kestaun estatutu  Atauro  no fo tratamentu espesial hanesan RAEOA ZEEMS.

Nia dehan, liu liu prezensa Prezidente Autoridade foun Lugu atu esforsu hodi haree kestaun,  tanba komundade  sira iha area neeba halerik.

Ami nia estatutu oinsa ami hetan tratamentu espesial, maibe hela deit ho naran ami mak moris nafatian hanesan nee, akresenta Alexandrino.

Iha fatin hanesan deputada bankada CNRT, Virgina Ana Belo dehan, komunidde postu administrativu Atauro  preokupa  bee mos, eletrisidade no estrada. Tanba durante nee sira moris husi udan been hodi konsumu iha tinan naruk ida nee.

Problema estatutu hau hanoin governu ida nee presiza aselera estatutu Atauro ninian para dezenvolvimentu bele tama iha neeba, hatete deputada Virgina.

 Nia dehan, se lae  tau Atauro hanesan fatin destinadu ida ba turismu, maibe kondisaun  hanesan neeba labele, tanba nee husu haree lalais estautu Atauro nian.

Hatan Sekretariu Estadu Komunikasaun Sosial (SEKOMS), Mericio Akara hatete, preokupasaun sira iha nia parte governu restu no sei sumete ba ministeriu relevante.

“Ami rezista hotu, sei fo informasaun por eskrita hanesna bain bian,” hatan Mericio. Luciana Ximenes/Guilhermina Franco

Komentariu

Facebook Comments

Leave a Reply

Your email address will not be published. Required fields are marked *