Postu Seguransa Comoro Abandona

Postu Seguransa Comoro Abandona

- in Metro
241
0
rotunda

DILI-Postu Seguransa Polisia iha eis Merkadu Comoro abandona, tanba nee wainhira akontese problema ruma susar atu asegura.

Tuir Gilberto de Jesus Soares nuudar komunidade Comoro katak, komunidade sira  sente preokupa kuandu haree postu seguransa nee husik mamuk. Tuir lolos, PNTL  labele abandona postu ida nee, atu nunee bele kontrola diak liu tan komunidade sira. Kuandu abandona hanesan nee susar tebes atu responde ba problema ruma neebe akontese iha bairru eis Merkadu Comoro.

Sente postu ida nee hari iha momentu merkadu nee sei ativu iha momentu neeba seguransa sira sempre utiliza postu nee hodi kontrola merkadu. Maibe, agora abandona tuir lolos labele abandona, tanba komunidade barak mak hela iha nee maske fatin nee laos ona merkadu,” Dehan Gilberto ba STL iha Comoro, Kinta (21/9/2017).

Tuir Gilbertu katak, sira hela iha eis Merkadu Comoro hanesan sidadaun Timor, tanba nee presiza seguransa. Maibe, bainhira parte seguransa nafatin abandona postu nee, nee signifika katak parte seguransa lakonsidera sidadaun rai ida nee.

Nunee mos, Gabriel Martins nuudar Akademia UNTL hateten, tuir lolos labele abandona postu seguransa neebe hari ona iha kualker fatin neebe deit. Tanba postu hirak nee tau atu seguransa seguransa ba komunidade sira.

Tuir Gabriel katak, postu sira neebe abandona nee signifika seguransa sira laiha responsablidade ba orsamentu no material sira neebe utiliza hari postu seguransa. Tanba nee presiza tau atensaun masimu atu nunee bele asegura diak problema iha nasaun ida nee.

Hatan ba kestaun nee Segundu Komadante Komandu Munisipiu Dili,Suprentendente Assistente Polisia, Euclides Belo dehan, postu segurans iha eis Merkadu Comoro uluk hari tanba fatin neeba sei ativu hanesan Merkadu.

Maibe, agora fatin neebe laos ona merkadu, tanba merkadu formal governu kria iha Taibesi Manleuana. Maibe agora dadauk postu sei estabelese tanba PNTL Akademia sira utiliza hodi halo kontrola ba.

Tanba nee fiar katak tarde ou sedu Komando PNTL Munisipio Dili no Eskuadra PNTL Postu Administrativu Don Aleixu mak tama konta iha area neeba atu orienta ho diak hodi maneja membru sira atu nunee nafatin asistensia ba komunidade sira neebe sei hela iha eis merkadu Comro.Estajiadu UNTL 2*.

Facebook Comments

Leave a Reply

Your email address will not be published. Required fields are marked *