Posibilidade Grau Lisensiadu Hanorin IPB

Posibilidade Grau Lisensiadu Hanorin IPB

- in Edukasaun
165
0
opiniaun-profesor2_dner

DILI– Ministeriu Edukasaun (ME) sei fo mos posibilidade ba dosente ho grau lisensiadu atu hanorin iha Institute Poletekniku Betanu (IPB), tanba eskola nee foin mak hahu ho diploma II.

Tuir Diretor Nasional Ensinu Superior Tekniku Paulino Ribeiro hatete, grau ba dosente neebe mak atu hanorin estudante iha Institute Poleteknik Betanu, nia habilitasaun literariu tuir lei baziku edukasaun tenke mestradu mak bele hanorin iha ensinu superior.

Dosente sira neebe mak hanorin tenke tuir espesialista departamentu neebe mak atu loke iha IPB, iha neeba iha departamentu produsaun animal, ema mos tenke espesialista husi departamentu produsaun animal mak ba hanorin, nomos tenke espesialista iha konstrusaun sivil mak ba hanorin, tanba iha neeba iha departamentu rua nee mak atu loke,” katak Paulino ba Jornalista Kuarta (11/01/2016) iha Balide INFORDEPE, hafoin partisipa iha enkontru avaliasaun avaliasaun ba ezekusaun orsametu 2016, no atu mellora servisu iha 2017.

Nia hatete, iha tempu badak ME sei loke konkusru publiku ba dosente iha departamentu 2 hanesan produsaun animal no Konstrusaun Sivil, neebe kona ba dokumentu sira halo hotu ona no fo ona iha Ministru hein Ministru koordena ho gabinete Primeiru Ministru, para foti desizaun atu nunee bele loke konkursu publiku ba Timor oan sira hotu neebe hatama sira nia aplikasaun.

Entretantu Estudante Finalista Eskola Sekundaria 4 Setembru Unamet Balide, Silvina Fernandes hatete, sira agora nee hein para haree deit naran,  tanba tuir rezultadu neebe mak ME fo sai, iha estudante 4 mill resin mak sei asesu ba eskola publiku rua hanesan UNTL ho Poleteknik Betanu. Guilhermina Franco/Jacinta Siqueira

 

Facebook Comments

Leave a Reply

Your email address will not be published. Required fields are marked *