Pose Membru Governu Pendente

Pose Membru Governu Pendente

- in Notisias Online
157
0
image002

Editor: Godinho Barros

DILI-Dalan fasil atu hakotu impase politika neebe lao iha rai laran, prezidente republika fo pose ba membru governu nain sia neebe sei pendente.

Tuir Akademista Universidade Nasional Timor Lorosa’e (UNTL), Vitor Soares, pose membru governu nain sia nuudar opsaun neebe lalais liu,  no governu bele lori fali orsamentu orsamentu foun ba  debate  iha PN.

Tuir hau nee opsaun fasil liu,  programa pasa tiha ona no programa nee dura ba tinan lima, fo deit pose ba membru governu nain sia neebe pendete bele aprezenta fali orsamentu hodi aprova, dehan Vitor ba STL iha nia Knar fatin, Tersa (11/02/2020).

Nia informa  forma governu foun kontinua laiha estabilidade, tanba  karik Fretilin ukun hamutuk ho partidu seluk liu husi aliadu Fretilin hakarak kontinua lao ho programa AMP nian ka lae.

Iha parte seluk  Reitor Universidade Ba Paz (UMPAZ), Adolmando Amaral hatete  iha desizaun tolu nee haree husi perspetiva politika nomos perspetiva  konstituisaun nian.

Perspetiva tolu nee komforme Prezidente Republika uza nia kompetensia tuir dalan politika nian  hodi  deside, kualker opsaun tolu nee. Maibe tuir dalan konstituisaun hein to loron neen nulu (60), orsamentu duodesimu hotu, no prezidente tenke disolve Parlamentu depois deklara eleisaun antisipada.

Ita haree situasaun agora nee solusaun neebe mak ideal liu tuir dalan politika,  dalan konstituisionais, prezidente mos tenke haree tanba iha eleisaun antisipada dalan uluk Prezidente la konvida partidu segundu mais votadu, no sira seluk para forma governu, wainhira VIII governu monu, komenta Adolmando.

Prezidente Republika tuir nia falla ona wainhira VII govermu  monu Prezidente rasik la halo buat ida, tanba nee Prezidente Republika bele hasoru fali risku.

Hau nia hanoin Prezidente tenke tetu no analiza didiak situasaun sira nee hotu antes foti desizaun hodi solusiona problema mpase  nee, dehan Adolmando.

Maske nunee nia dehan, desizaun neebe ideal liu hodi hakotu impase politika iha nasaun nee mak eleisaun antisipa, la liu husi eleisaun antisipada no tuir dalan politika. Partidu sira neebe agora koalia la rona malu nee, sira nia hanoin hanesan, maibe hakarak la hanesan nee ba sira nia interese, agora oinsa sira bele tun fali ba baze para bele enkoraza  povu partisipa iha eleisaun antisipada, argumenta Adolmando.

Nia admite partidu politika sira wainhira ejize eleisaun antisipada, dalaruma sira nia ema hahu ona organiza iha baze neeba.

Antes nee Prezidente republika Francisco Guterres Lu Olo dehan dialogu neebe  halao ho lider nasional sira define assuntu tolu neebe mak importante, eleisaun antisipada hanesan rekursu ikus, partidu politiku sira neebe mak iha asentu parlametar bele halo movimentu politiku oinsa mak bele dezena sira nia opiniaun, ou  mantein nafatin oitavu governu too hetan solusaun.

PR relata ba publiku katak hanesan Prezidente republika hahu iha dia 20 de Janeiru Prezidente Republika asume situasaun politika hotu neebe mak mosu iha parlamentu nasional. Dialogu neebe PR promove ho partidu politiku sira no lider sira, sosiedade sivil, veteranus sira no relijiaun sira atu ema barak  rona sira nia pontu de vista konaba situasaun politika rai laran.

Xefe Estadu mos haksolok konvida lider istoriku sira hanesan Maun Boot Xanana Gusmao atu bele partisipa hodi bele rona direitamente  nia opiniaun konaba situasaun politika rai laran.

Nia  akrezenta  dialogu neebe iha  hodi buka solusaun ida neebe diak liu ultparasa situasaun politika neebe nasaun atravesa.

Aman Nasaun dehan PR nia vontade mak ida nee duni no  kontente tanba lider nasional sira simu konvite bele hasoru malu ho Xefe Estadu hodi koalia pontu importante sira nee. ESTI-01.

 

Komentariu

Facebook Comments

Leave a Reply

Your email address will not be published. Required fields are marked *