Populasaun Insedu Hela Lona Okos

Populasaun Insedu Hela Lona Okos

- in Nasional
29
0
domingos_lopes_lemos (1)

DILI-Populasaun insedu sente triste, sei hela iha lona okos, iha tempu udan no too agora seidauk hetan apoiu.

Tuir Deputadu Bankada CNRT, Domingos Lemos, lamentasaun neebe mai husi baze kona ba insedu neebe akontese afeita ba populasaun sira.

Tanba relatoriu populasaun vitima insedu sira nian, tama ona fulan 2 resin, nee maka ita nia populasaun sira sente triste teb-tebes tanba too agora sira hela iha lona okos maske agora tempu udan, no familia seluk ba hela tan iha familia seluk, aumenta familia neebe boot sai mos problema ida ba sira, tanba nee husu atu bele buka solusaun lalais ba preokupazaun ida nee, dehan deputadu nee ba Jornalista sira, Sesta (27/12/2019) iha PN.

Nia dehan, levantamentu dadus ba populasaun sira neebe afeitadu, liliu iha Ermera ba suku tolu nee dala tolu ona, tanba tuir informasaun neebe maka xefe suku sira hetan husi diresaun sosial munisipiu nian katak, iha neeba sai problema boot tanba populasaun balun labele hetan direitu ka labele hetan identifikadu tanba sira la prense rekizitus.

Ita hatene populasaun sira neebe maka iha baze, nee maioria uma kalen no uma duut mos tenke sura hotu, tanba uma hirak nee maka sai vitima ba dezastre naturais nee. Maibe uma sira nee labele tama fali ba rekizitus atu bele hetan apoiu, nee preokupaaun boot ba  xefe suku nian tanba dadus foti dala 3 ona, maibe ikus mai la aprova husi diresaun social munisipal nian, tenik nia.

Deputadu nee husu ba diresaun sira neebe maka tutela ba asauntu ida nee, atu haree ba situasaun ida nee ho lalais, tanba Ermera agora nee udan hahu husi dader too kalan halo komunidade sira neebe afetadu ba insedu nee terus boot.

Nunee mos Deputadu Antonio do Santos katak, koalia kona ba insedu neebe maka mosu iha teritoriu laran tomak. Sira neebe maka afetadu kuaze hetan intervensaun hotu kona ba hahan no sasan seluk, maibe iha problema ida maka kona ba aimoruk ho labarik sira neebe maka eskola ida nee mos sei problema boot.

Tanba ami iha esperensia referensia husi 2006 no 2007, nee problema boot ba ami Ermera, tanba nee husu ba governu bainhira atu ajuda material ruma ba familia insendu sira karik tenke identifika didak uma sira nee maka fahe ba sira, tenik nia.

Nia dehan, hanesan mos sasan neebe atu ajuda mos tenke ba identifika uma hira maka afetadu ai han nee katak, hein deit husi relatoriu neebe mai hodi fo tuir ida nee, nomos atu ba fo tenke fahe tuir suku no uma kain neebe maka afetadu ba insedu nee. Domingas Soares

 

Komentariu

Facebook Comments

Leave a Reply

Your email address will not be published. Required fields are marked *