Ponte Habibe  Gasta Osan 3,963,319.62

Ponte Habibe  Gasta Osan 3,963,319.62

- in Nasional
44
0
logoqstll

DILI- Ponte Prezidente Habibe neebe lokalizadu iha area Bidau Santa  gasta orsamentu ho montante 3,963,319.62.

Ponte nee kaer husi kompana Karya Timor leste neebe hahu iha loron 31 de Agustu 2017 no remata iha loron 31 Agustu 2018, no inagura husi  Eis pezidente da republika Timor Leste Jose Manuel Ramos Horta no Ministru Obras Publika ba Abitasaun Indonezia, Basuki Hadimuljono  iha loron  29 fulan Agustu.

Tuir MInistru Obras Publiku Salvador Pires katak, ponte nee tau tuir naran prezisidente sesante daluk Indonezia, prezidente Habibie ho signifika atu hametin relasaun entre rai nia.

“Gasata Projetu nee hanesan ita komemora ita nia loron istoriku konsulta popular ba 20 anos ohin ita hamutu ho ita nia delegasaun prezidente Indonesia  nia reprezentante ministru opras Publiku  ba Abitasaun hamutuk ho governu Timor Leste inagura ponte nee tau tuir naran prezidente sesante Indonezia datoluk prezidente Habibie, naran nee ita tau tanba nee hanesan pasu importante ida atu ita hametin ita  nia relasuan entre nasuan rua nia,” dehan Salvador ba STL iha Bidaun Santana Dili, Kinta (29/08/2019).

Nia informa katak, obra ba ponte nee kaer husi kompana Karya Timor Leste neebe ho nia montante osan hamutuk 3,963,319.62  miloens husi orsamentu do estadu

“Ministeriu Obras publiku tinan tinan tau nia kustu manutensaun tanba ida nee tama ona lista ka asset governu nia neebe governu iha dever para tau kustu ba manutensaun,” dehan nia.

Iha fatin hanesa  Eis prezidente RDTL,  Jose Manuel Ramos Horta katak, inagurasaun ponte ida nee ho presidenti B.J Habibie nia naran ne hatudu dala ida-tan maun boot Xanana Gusmão nia matenek ba povu Timor-Leste.

“ wainhira referendum liu tiha ita hetan independensia timor oan sira fo liman ba malu ita la haluha terus iha kotuk  barak mak sai vitima maibe justisa neebe boot liu, justisa ida ke liberdade independensia ba Timor-Leste, Presidenti B.J. Habibie nia kontribuisaun boot teb-tebes iha momentu neeba halo desizaun ba prosesu referendum Timor-Leste,” dehan Horta.* Ekipa STL

 

 

Komentariu

Facebook Comments

Leave a Reply

Your email address will not be published. Required fields are marked *