Politika MCI Asegura Setor Privadu

Politika MCI Asegura Setor Privadu

- in Economics
133
0
monitoramento-da-dengue-setor-privado-empresas

DILI-Politika Ministeriu Komersiu Industria MCI nian maka atu asegura kuadru legais ba setor privadu, atu sira bele kaer hanesan seguransa ida hodi halao atividade komersial iha rai laran.

Kestaun nee fo sai husi Diretur Jeral MCI, Virgilio dos Santos ba STL, Sesta (06/10/2017) iha Aeroportu Internasional Prezidente Nicolao Lobato Dili.

Ami sei halo esforsu tomak atu reviu fila fali, Lei lisensamentu atividade komersiu nian lei nee ami halo diskusaun ona tan nee Ministeriu iha politika oinsa bele estabelese politika komersiu ida hodi regula atividade komersiais neebe lao iha rai laran,”informa Diretur Jeral MCI.

Virgilio hatutan, kuandu liu husi politika neebe klaru maka bele implementa atividade oin oin iha Ministeriu nia laran, tanba nee Ministeriu sei kaer metin planu estratejia neebe maka iha atu implementa ninia planu no programa neebe iha ona.

Iha fatin hanesan Prezidente camara comersiu industria TL, CCI-TL, Oscar Lima hatutan planu Ministeriu atu halo revizaun konaba Lei lisensamentu atividade komersiais iha rai laran.

Hau hanoin Setor privadu sira presiza tebes lei nee, atu nunee bele asegura atividade komersial neebe lao iha rai laran, tanba nee governu presiza halo revizaun ba lei nee,”informa nia.

Nunee mos Tarsicio de Jesus (Setor privadu), liu husi via telefone hateten, kada Ministeriu ida idak mai ho nia planu prioridade, hanesan dadauk Ministeriu komersiu nian atu tau importansia ba Lei lisensamentu atividade komersiais iha rai laran, tanba nee ita hein ninia implementasaun iha baze. Madalena Horta    

Facebook Comments

Leave a Reply

Your email address will not be published. Required fields are marked *