Polisia Sei Investiga Kondutor Sawasole

Polisia Sei Investiga Kondutor Sawasole

- in Metro
101
0
PNTLll

DILI-Polisia Nasional Timor-Leste (PNTL) sei investiga Kondutor Bus Sawasole neebe deskonfia fo fali kareta ba nia kolega neebe laos kondutor permanete. Lori fali bus hodi hamosu asidente bus baku fila iha area Postu Administrativu Metinaro, Munisipiu Dili, Kinta (13/4/2017) rejulta pasajeiru nain 14 hetan kanek.

Tuir Adjuntu Komanadante PNTL Munisipiu Dili, Superientendente Assistente Polisia, Euclides Belo katak, asidente nee mosu laos tanba soke  maibe husi hahalok  kondutor nia. Tanba kareta nee laos kondutor rasik mak lori maibe kondutor neebe permanente iha tempu neeba fo fali kareta ba nia kolega seluk mak lori nee duni halai ho velusidade masimu no deskontrola.

Tuir relatoriu neebe mak ami simu katak, husi asidente trafiku nee ema nain 15 neebe nain 8 lakanek nain 7 mak kanek. Pasajeirus sira neebe hetan kanek iha tenpu akontesementu nee kedan ita nia polisia Eskuadra Metinaro uteliza nia transporte operasional apoiu vitima sira desloka kedas mai Dili atu halo tratamentu intesivu. Maibe, seidauk too iha Dili sentu saude PNTL mos tun kedas ba fatin akontesementu konsege hasoru malu iha area Hera entaun vitima sira nee transfere fali ba abulansia hodi mai Dili halo tratamentu,” dehan Euclides ba jornalista sira iha nia knar fatin Caicoli Dili, Segunda (17/4/2017)

Tuir Euclides katak, hafoin asidente nee akontese kondutor neebe lori kareta nee ba aprezenta aan iha Eskuadra PNTL Metinaro.

Atu minimisa asidente hanesan labele mosu tan Adjuntu Komanadante PNTL Munisipiu Dili nee, husu ba kondutor sira neebe lori transporte publiku tantu iha Dili laran no mos munisipiu tenke halai ho velusidade normal.

Velusidade normal neebe lao iha kapital Dili normal ho 40, ba munisipiu 60 beleiu maibe tenke haree mos kondisaun kareta no mos estrada. Tanba halai kareta ho velusidade masimu iha kurzamentu ita lakontrola ida nee mak mosu asidente tanba nee husu ba kondutor sira tenke halai ho velusidade neebe normal.

Tanba pasajeiru nee hanesan liu rai neebe ita tula liu rai ita tenke lao ho neneik para liu rau (pasajeirus) sira nee too iha fatin ho diak.

Nunee mos Adjuntu Diretur Fundasaun Mahein, Joao Almeida dehan,

Atu antisipa asidente sira nee labele mosu bebeik presiza kontrola. Autoridade polisia tenke tau matan ba area roda viaria antes. Laos asidente masu tiha foin halo operasaun.

Hau hanoin kazu sira nee fundasaun mahein rekoilla katak, laos foin asidente nee mosu maibe, uluk liu iha tinan kotuk bus ida baku fila iha area Fatu-Ahi hafoin iha cek point ida neebe rigorozu iha Terminal,” dehan Joao.

Nia esplika katak, Depois de ida nee liu semana ida ka rua laiha, kazu sira hanesan nee. Tuir lolos tenke iha operasaun kontinua nafatin para kontrola kondutor. Lucia Ximenes

Facebook Comments

Leave a Reply

Your email address will not be published. Required fields are marked *