Polisia Nain 60, Treinu Trafiku Humanu, K-3, Jeneru

Polisia Nain 60, Treinu Trafiku Humanu, K-3, Jeneru

- in Distritu
5918
0
lampu-merah-lakan-615x429

AMBENO-Membru PNTL nain 60 tuir trenamentu Trafiku Humanu, Komandu Kontrolu i Kordenasaun (K-3) no Jeneru. Sira nian 60 nee kompostu husi OPF, UPF, no Polisia Imigrasaun. Treinamentu nee halao loron lima tutuir malu, hahu Tersa too Sabadu (5-10/12/2017).

Objetivu treinamentu nee hodi kapasita sira nia kapasidade ba area trafiku humanu, K-3 no Jeneru, neebe agora espalha no akontese barak ona iha Timor Leste, hatete Komandante PNTL Rejiaun Oecusse Superintendente Polisia, Arnado de Jesus Aroujo iha ninia knar fatin, Kuartel PNTL Oecusse, Kuarta (6/12/2017).

Nia hatete, agora dadauk trafiku humanu espalha no akontese barak ona iha Timor Leste. Ema balu tama Timor Leste bosok alin feto sira iha suku dehan, atu lori sira ba servisu. Maibe lahatene los, sira lori ba servisu ka ba halo fali buat seluk. “Ida nee mak ami hakarak kapasita membrus sira, atu nunee sira bele konhese klean liu konaba problema sira hanesan nee. Konaba K-3, ida nee importante, Atu nunee, membru sira bele hatene jestaun no jestor ida diak iha sira nia servisu fatin, hanesan fo atendimentu ba komunidade. Konaba jeneru, ida nee konaba atendimentu vitima ba labarik nian, hanesan dadauk iha violensia domestika husi laen, fen no oan.

Iha tempu hanesan, Kordenador Pradet Timor Leste, Elda Cardozu esplika, Pradet halao aktividade ida nee ba membru polisia iha Oecusse para hatene no konhese diak liutan konaba kestaun tolu refere. “Sira ami konvida hodi partisipa iha aktividade nee. Durante loron 4 nee, loron rua ami fo deit ba Unidade Polisia sira, no loron rua seluk ami fo espesifiku liu ba investigasaun suspeitu no vitima sira”.

Objetivu husi aktividade nee, atu hasae polisia sira nia konhesimentu konaba komponente sira no transformadu nian. Nomos, oinsa trafiku humanu ninia lalaok iha rai laran  nomos oinsa atu asesu ba rai liur, I husi rai liur tama mai iha rai laran nee mak objetivu primeiru, segundu mak atu ajuda ita nia PNTL sira iha rai laran I bele mos identifika ema sira neebe mai husi rai liur hodi mai halo negosiu ou hlo dokumentasaun ba sira nia projetu ka ou sira ho kestaun seluk, ou sai vitima iha rai liur maka halai tama mai iha ita nia rain, Ligadu ho trafiku humanu, oras nee dadauk Pradet identikn ona dadus hamutuk nain 50 neebe komete ona iha trafiku humanu.

“Pradet servisu ba uma mahon durante nee dadus neebe ami hetan rekolha servisu hamutuk ho IOM, MSS, total vitimas husi rai laran no rai liur nee, besik ona lima nulu (50) I hau la konta rai liur nian inklui mos oecusse ba labarik kiik oan sira, ema balu mai lori sira ba dili atu eskola maibe dalaruma ami hetan balu faan pentolan, manu tolun”. Abilio Elo Nini

Facebook Comments

Leave a Reply

Your email address will not be published. Required fields are marked *