Polisia Kontinua Pasa Revista Armas Branka

Polisia Kontinua Pasa Revista Armas Branka

- in Krime
95
0
Operasaun

DILI-Seksaun Polisia Tranzitu PNTL Munisipiu Dili, kontinua halo operasaun ba armas branka, kareta no motor sira neebe halo movimentu iha dalan publiku.

Tuir Segundu Komandante Munisipiu Dili, Superintendente Assistente Polisia, Euclides Belo hatete, operasaun  barazen estrada, polisia halo chak point hodi garante Lei Numeru 5/2017. Tanba nee mak polisia halo operasaun, nomos halo piskalizasaun ba movimentu trafiku, liliu ba motor no kareta. Ho nunee, pesoal sira neebe mak lao, labele lori armas branka.

Se mak lori sasan kroat ba sidadaun babain ninia pena bele tinan rua tolu ka hat kastigu, mais ba funsiunariu estadu nian tantu forsa ka polisia mak kuandu lori mos sasan kroat tuir lei numeru 5/2017 nian kastigu nia pena kali dua, por ezemplu ema babain tinan hat ema funsiunariu sira nee kali dua bele tinan 8, e bele tinan 10,” dehan Euclides ba STL iha Kuartel PNTL  Munisipiu Dili,  Kuarta (10/10/2017)

Nia dehan, entidade hotu tenke kumpri tanba lei nee rigoroju, labele halimar ho lei. Nunee mos ba sidadaun railiur neebe hela iha Dili, lei nee mos vale hotu ba sira.

Husi Uma Fukun PN, Dili, Deputadu Aurelio Freitas hateten, lei nee atu regulariza ema uza sala bainhira lori ameasa fali ema seluk ida nee polisia iha nai kompetensia tomak atu halo atuasaun

Kaundu ema lori atu ameasa ema seluk ka ezemplu hanesan lori kata tama loja nee lalos, tanab mai iha sidade la iha natar ka too iha loja laran para o lori katak mai iha nee nia kontra lei polisia tenke halao atuasaun,” dehan Aurelio

Nia dehan, kuandu ema hanesan too nain natar nain ba uma kata aisuak ida normal tanba dia ene sira nia kna maka ida nee mais ema joven ida amk lori katana lao iha fatin publiku ida nee lalos.

Too oras nee mos Polisia Tranzitu Nasional inklui munisipiu sira hamutuk ho Autoridade lokal nafatin sosializa lei arma brabka ba komunidade no ba estudante sira kada eskola eskola atu hasae konesimentu estudante sira, liliu ba Lei Arma Baranka Numeru 5/2017 neebe koalia konaba utilizasaun armas branka. Lucia Ximenes

Facebook Comments

Leave a Reply

Your email address will not be published. Required fields are marked *