Polisia Kontinua Buka Tuir Autor Oho Tan Lin Xue

Polisia Kontinua Buka Tuir Autor Oho Tan Lin Xue

- in Krime
331
0
images

DILI-Komandu Polisia Nasiona Tiomor leste kontinua buka tuir autor neebe mak oho vitima Tan Lin Xue iha semana kotuk, iha area Bairru Pite.

Komandante Polisia Munisipiu Dili (KPMD), Superintendente Xefe Polisia, Pedro Belo dehan, parte sedauk bele fo sai informasaun, tanba sei segredu investigasaun,

Maibe nia dehan, ema neebe mak halo krime nee konseidera nafatin kriminozu, tanba nee polisia sei buka tuir nia atu bele hatan ba justisa.

Ita labele hosik ema krimozu ida lao tun, lao sae fali iha komunidade nia leet, para atu estraga fali komunidade nia vida nafatin, nee labele. Tantu nia estraga ema estranjeiru, ka ema komunidade timoroan rasik mos nia lebele estraga, ema ida labele hasai ema ida nia vida,” dehan nia iha nia knar fatin, KPMD, Caicoli-Dili (28/03/2019)

Tanba nee, nia hatete, oras nee dadaun ekipa investigasaun hosi munisipiu Dili nian, no mos servisu hamutuk ho investigasaun nasional, dadaun nee rekolia informasaun lubuk ida, no agora sira lao hela.

Ita hein de’it resultadu tempu besik, ha’u hanoin katak sira hosi invetigasaun sei fo sai ninia resultadu,” nia reforsa

Nia hatete, kazu nee sei segredu investigasaun. Tanba nee, sedauk bele fo sai informasaun ba publiku, depois investigasaun remata tiha mak foin fo sai ninia resultadu. Notisia kompletu lee iha jornal STL edisaun Sesta (29/03/2019). Lucia Ximenes

Komentariu

Facebook Comments

Leave a Reply

Your email address will not be published. Required fields are marked *