Polisia Kontinua Buka Autor Oho Tan Lin Xue

Polisia Kontinua Buka Autor Oho Tan Lin Xue

- in Politics
146
0
download

DILI-Polisia Nasional Timor-Leste (PNTL), liu husi Komandu Polisia Munisipiu Dili, kontinua buka tuir autor neebe oho sidadaun Xineza Tan Lin Xue iha loron Segunda  (25/03) iha Bairu Pite.

Segundu Komandante PNTL munisipiu Dili, Superintendente Asistente, Polisia, Euclides Belo hatete,  Polisia Nasional servisu hamutuk ho ministeriu publiku hodi hetan mandatu hodi bele halo autopsia ba mate, nunee bele hatene ninia resultadu lolos motivu husi mate nee.

Suspeitu neebe mak halo asaun krime nee dadauk nee sei iha hela prosesu nia laran, la signifika katak ami kaptura ona, maibe sei iha prosesu nia laran, ami tenta buka suspeitu, rekolia informasaun husi sasin sira para depois bele identifika suspeitu,” dehan Euclides ba jornalista iha nia knar fatin, KPMD, Caicoli-Dili (26/3/2019)

Nia relata katak, PNTL kumprimenta nafatin ninia misaun tuir prosesu legal neebe mak iha tanba nee sedu no tarde prosesu neebe la’o bele detekta suspeitu sira.

Suspeitu sira neebe komete iha krime ninia asaun nee kontepla tiha ona iha ita nia kodiku penal, kuandu ita kaptura ita prosesu tuir prosedementu legal sira sei simu sira nia sansaun tuir krime neebe mak sira komete iha tempu neeba,” dehan nia

Nia haktuir  katak, kuandu polisia suspeita ona suspeitu sei promove no husu mandate ba Ministeriu Publiku hodi halo kapturasaun.Tanba, dalan mak ida nee, labele hakat liu tanba nain ba prosesu hotu nee Ministeriu Publiku. Notisia kompletu lee iha jornal STL edisaun Kuarta  (27/03/2019). Lucia Ximenes

Komentariu

Facebook Comments

Leave a Reply

Your email address will not be published. Required fields are marked *