Polisia Koloka Efetivus 300 Asegura Missa Natal

Polisia Koloka Efetivus 300 Asegura Missa Natal

- in Metro
6194
0
PNTLll

DILI-Segundu Komandante Munisipiu Dili, Superintendente Xefe, Euclides Belo informa katak, Komandu Munisipiu Dili (KMD) koloka ninia membru hamutuk atus tolu (300) resin hodi asegura seguransa iha misa Natal 25 Dezembru 2017.

Tanba knar Polisia nian atu garante estabilidade ba loron boot Natal nian neebe povu Kapital Dili selebra iha loron (24-25/12/2017).

Ita orienta hotu kedas tuir klendariu komandu PNTL munisipiu halo hodi garante seguransa ba igreja sira. Tanba nee ami koloka pesoal sira ba iha igreja sira no kapela sira, inkui iha fatin risku sira,”dehan Euclides ba STL iha nia knar fain, Komandu Munisipiu Dili, Caicoli-Dili, Tersa (26/12/2017).

Aliende ida nee mos polisia laos grante deit seguransa maibe, asegura mos komunidade sira nia transporte sira atu nunee labele lakon, no hetan estragus husi ema ka grupu sira neebe mak laiha konsensia.

Tanba nee mak polisia koloka mos seguransa ida proxima besik fatin parker sira, nunee bele garante nafatin komunidade sira nia transporte iha tempu misa natal.

Nia hatete komandu PNTL munisipiu Dili koloka pesoal neebe asegura selebrasaun misa kalan no misa loron nian hamutuk atus tolu (300) resin. Tanba nee iha misa kalan natal tinan ida nee situasaun hotu-hotu lao kontroladu.

Nunee mos KMD hetan apoiu seguransa husi F-FDTL hodi asegura misa iha Postu Administrativu Metinaro. No mos iha Postu Administrativu Atauro hetan apoiu husi Forsa Naval.

Enkuantu iha Munisipiu Dili hetan apoiu husi Unidade Espesial Polisai (UEP) no mos husi Polisia Militar hodi fo seguransa ba misa natal nian.*

Facebook Comments

Leave a Reply

Your email address will not be published. Required fields are marked *