Polisia Detein Sidadaun 13

Polisia Detein Sidadaun 13

- in Politics
6891
0
Kadeia

DILI-Komandu PNTL Munisipiu Dili detein joven ema nain 13 tanba deskonfia involve krime arte marsias no arma branka. Joven hirak nee kaptura iha fatin no loron la hanesan. Balu kaer iha Akanunu, no seluk iha area Comoro.

Sira nain 13 nee agora dadauk detein iha sela PNTL Munisipiu Dili. Sira sei submete ba prosesu investigasaun kriminal hodi kompleta sira nia prosesu depois mak haruka ba tribunal,” hatete Segundu Komandante PNTL Munisipiu Dili, Superintendente Assistente Polisia, Eucelides Belo ba jornalista  iha ninia knar fain, Tersa (26/12/2017).

Husi sira nain 13 nee, iha nain 9 suspeita ba kazu arte marsias neebe akontese iha area Akanunu iha Domingu kalan (24/12/2017). Oras nee kompleta ona sira nia autonotisa hodi haruka ba tribunal. Aliende nee polisia mos kaptura sidadaun nain rua iha loron 23 fulan Dezembru 2017 tanba faan fugete.

Ita nia komunidade iha area Comoro nian mak fo infromasaun ba polisia, e polisia prende objetu sira neebe mak sira faan hodi aprejentasaun ba obzetu sira nee, e ema neebe mak faan fugete ita kaptura nia detein iha sela hodi submete ba prosesu investigsaun kriminal,” nia dehan.

Iha mos kazu seluk, hanesan kazu violensia, iha nain ida, no iha kazu ida tan akontese iha area Vera Cruz no agora suspeitu detein hela iha sela polisia. No iha nain rua seluk tama ona ba prizaun preventiva.*

Facebook Comments

Leave a Reply

Your email address will not be published. Required fields are marked *