PNTL Prontu Asegura 28 Novembru

PNTL Prontu Asegura 28 Novembru

- in Nasional
21
0
c66733db6fd9c6779ab24f57f69f5201_XL

DILI-Komandu Polisia Nasional Timor Leste, Munisipiu Dili, oras nee preparadu, asegura komemorasaun loron Proklamasaun Independensia 28 Novembru ba dala-44.

Segundu Komandante PNTL Munisipiu Dili, Superintendente Asistente, Euclides Belo dehan, komemorasaun loron istoriku 28 Novembru, sei konsentra iha sidade Dili, tan nee Komandu PNTL Munisípiu Dili prepara atu asegura eventu nee.

Ami simu informasaun husi Ministeriu Estatal katak, tinan nee  sei komemora iha resintu palasiu governu,dehan Euclides ba Jornalista sira, hafoin partisipa iha seminariu nasional komisaun Funsaun, Centru Convensaun Dili,  Caicoli, Dili, Kinta (21/11/2019).

Ministeriu Estatal diresaun sira  neebe level ho Komandu PNTL Munisípiu Dili, tuir Euclides, koordena ona ba eventu  nee nian.  Komandu PNTL Munisípiu Dili, prepara ona pesoál sira para garante seguransa ba eventu komemorasaun nee nian.

Euclides informa, efetivu nain atus lima iha komandu PNTL, sei sei koloka hotu ba serimonia nasional nee inklui serimonia anivel munisipiu hodi fo seguransa masimu.

Ami preparadu kualker tempu no kualker maneira, ami prontu para bele garante,afirma Euclides.

Iha parte  ketak Peskizador Fundasaun Mahein Sancho Savier dehan  patrullamentu PNTL nia iha terenu nee importante tebes, tanba ikus-ikus nee numeru konflitu sae makas, liu-liu asaltu malu entre juventude sira hanesan sona malu, no hana malu ho rama ambon.

Nia akresenta  selebrasaun loron Istóriku 28 Novembru konta deit loran, depois nee sei tama fali ba preparasaun ba loron Natal ho Tinan foun 2020 nian.

PNTL mak tenke iha estratejia oinsa atu bele halo prevensaun ba problema sira neebe sai preokupasaun povu nian, tanba iha tempu feriadu sempre mosu problema, iha movimentu  ema ba munisipiu barak, problema mos aumenta,argumenta Sancho.

Nia informa, vizibilidade PNTL nian labele tuir oras deit, maibe tenke 24 oras no patrullamentu labele loron balun deit ou iha oras ualo deit servisu, tanba PNTL nia servisu laos hanesan funsionariu publiku.

Nia konsidera  patrullamentu neebe membru PNTL sira halo durante nee ladun masimu, tanba servisu PNTL nian tuir fali oras serbisu normal hanesan  funsionariu sira.

Sancho informa kuandu  polisia la halo patrullamentu masimu, kriminozu sira bele aproveita fali oras nee hodi kria problema.

PNTL katak Sancho tenke hadia  oras serbisu iha terenu, liu-liu patrullamentu ka operasaun regular sira, liu husi estratejia operasaun nian hodi   reduz probema iha sosiedade nia leet.

Ami nia rekomendasaun mak tenke iha vizibilidade  no prense fatin ka postu sira neebe monta ona iha estrada, hanesan postu sira iha suku no munisipiu sira PNTL tenki prense labele husik mamuk, tenik Nia. ESTI-01

Komentariu

Facebook Comments

Leave a Reply

Your email address will not be published. Required fields are marked *