PNTL Prende Atributu Arte Marsiais

PNTL Prende Atributu Arte Marsiais

- in Politics
471
0
pntl-logo-text

DILI-Polisia Nasional Timor Leste (PNTL), Eskuadra Liquisa Vila prende atributu eis arte marsiais neebe mak taka ona.

Ami halo operasaun ho OPS iha fulan prende atributu eis arte marsiais nia hamutuk pasta hat, neebe mak hanesan kalon no ropa sira neebe mak sira so hela, tanba sira halo atu halo treinu subar,”dehan Komandante PNTL EskuadraLiquisa Vila, Inspektur Xefe, Jose Maria Boavida ba STL iha JL Vila, Segunda (11/09/2017).

Nia informa, atributu hirak nee mak sasan ritual hanesan tersu, livru PSHT, inklui kalon neebe kuaze pasta 9.

Evidensia sira nee ami tau hela iha eskuadra PNTL Liquisa Vila nia, iha tempu badak ami sei halo destroesaun, ami la konsege kaptura tanba sira atu treinu mak ami tama. Entaun sira halai no balun soe hela sira nia pasta, entaun ami prende mak sasan deit,” dehan nia.

Iha sorin seluk Diretur Ezekutivu Fundasaun Mahein (FM), Nelson Belo dehan, governu presiza reativa fila fali organizasaun arte marsiais neebe taka ona.

Mut publiku kona ba arte marsiais dala barak akontese iha rai laran, arte marsiais mak barak lahalimar, tanba governu la iha ida neebe atu rezolve ho pasifiku, no governu taka tiha deit,” dehan Diretur Ezekutivu Fundasaun Mahein.

Nia dehan, tuir loloos nee governu tenke halo fila fali revizaun lei ida ba rezolusaun neebe mak sira hasai no taka iha ona nee, para halo evaluasaun para reatitiva fila fali grupu arte marsiais neebe mak taka tiha ona tenke loke fila fali.

Nia dehan, tanba sa mak loke fila fali. Governu tenke loke fila fali para halo kontrolu, tau regrega, atraves husi lei para ministeriu balun neebe mak tutela kona deportu no juventude halo sira nia knaar para kontrola diak, laos kiik boot governu taka deit.

ita haree ita nia sidadaun neebe mak hakur fronteira legal ho ilegalmente ba sae sabuk, treinamentu subar subar  iha rai laran, farda kontinua mai entaun governu tenke kria direitu idaba sira para sira ezerse sira nia direitu tuir direitu neebe mak iha,” dehan Nelson.

Nia informa, se governu taka depois krime ruma akontese kaptura sira ba kadeia sira mai fali halo fila fali.

Ita laos taka tanba deit kria violensia ita taka deit maibe oinsa governu kria programa ida, reativa fila fali para tau regra e depois kontrolu,” dehan nia.

Nunee mos Deputadu Fidelis Magalhaens dehan, atu reativa presiza haree razaun hafoin halo reativasaun ba grupu ka organizasaun arte marsiais neebe mak governu taka ona.

“Ita tenke haree lai razaun governu taka, tanba problema nee laos arte marsiais mak problema ita rasik la konsege regula ho diak,” dehan Fidelis. Lucia Ximenes

Facebook Comments

Leave a Reply

Your email address will not be published. Required fields are marked *