PNTL Latolera Grupu Disturbu

PNTL Latolera Grupu Disturbu

- in Krime
124
0
download (24)

DILI-Polisia Nasional Timor Leste(PNTL), liu husi Komandu Munisipiu Dili sei latolera grupu neebe deit hakarak kria disturbu iha selebrasaun Natal no Tinan Foun 2020.

dehan Komandante Munisipiu Dili, Superentendente Xefe, Armando Monteiro, liu husi konferensia imprensa neebe realiza iha salaun enkontru komandu munisipiu dili, iha konta nee(19/12/2019).

Nia hatutan ohin loron 19 fulan Dezembru 2019, komandu PNTL Munisipiu Díli sei halo parada ezekusaun diretiva numeru 818/CG-PNTL/XI)2019 konaba ordem ezekusaun Operasaun Natan no tinan foun 2020.

Liu husu oportunidade ida nee komandu PNTL Munisipiu Dili ho estrutura tomak sei servisu hamutuk ho UEP (BOP), Falintil Forsa Defeza Timor Leste (F-FDTL), DNTT, alfândega, aifaesa bombeirus DNSPP, ambualnsia autoridade Munisipiu Díli Postu Administrativu no Estrutura KPK tomak iha munisipiu Díli.

Nia hatutan komunidade iha kapital Díli, neebe  atu selebra Natal ho Tinan foun iha momentu ida importante atu konsolida família halo reflesaun hodi selebra Nai Jesus Kristu nia moris. Tan Komandu PNTL munisipiu Díli sei la tolera ba kualker aktus krime, no sei hola medida rigorozu ba autor sira neebe mak tenta halo ajeitadaun, provokasaun no disturbu iha periodu selebrasaun Natal no Tinan Foun.

Armando husu kondutor transporte privada, bubliku no estadu tenke respeita sinais autoridade no hare kondisaun transporte hodi kompleta dokumentu viajen. No labele tula pasajeiru liu husi kapasidade veikulu uir lei no regra sira neebe vigora iha nasaun  RDTL. “Komandu PNTL munisipiu Díli ho parseiru sei esforsu makaas no servisu hamutuk atu garante seguransa iha selebrasaun Natal no Tinan Foun 2020. Nunee komunidade sira bele selebra Natal no Tinan Foun iha ambitu paz, domin no dame inkui livre husi tauk ameasa no intimidasaun.

Nia husu mos ba joven sira atu hamutuk hametin unidade, amizade hodi kontribui ba paz estabilidade  no partisipia ba prosesu dezenvolvimentu iha  nasaun nee Espesial Munisipiu Díli hanesan sidade nasaun Timor Leste.

Nunee mos peskizador  Fundasaun Mahein, Sancho Xavier dehan,  patrulamentu PNTL nia iha terenu  importante tebes, tanba ikus-ikus nee numeru konflitu nee sae makas liu-liu asaltu malu entre juventude sira hanesan sona malu. Tanba nee mak hau hanoin PNTL tenke iha estratejia oinsa atu bele halo prevensaun ba problema sira neebe durante nee sai preokupasaun boot, tanba iha tempu feriadu hanesan ema feriadu nee sempre mosu problema, tanba iha movimentu  ema ba munisipiu barak liu, nee  problema aumenta.

Ami nia rekomendasaun mak tenke iha vizibilidade  no prense fatin ka postu sira neebe monta ona iha estrada,  hanesan postu sira iha suku no munisipiu sira nee PNTL tenke prense labele husik mamuk, tenik Sancho.

Nia relata katak wainhira vizibilidade iha postu sira nee iha signifika katak prezensa polisia nia iha komunidade sira iha posibilidade neebe boot hodi prevene krime, ema ruma neebe hanoin atu kria problema, tan nee kuandu fatin sira nee mamuk no problema ruma akontese suspeitu sira halai lakon. ESTI-01

Komentariu

Facebook Comments

Leave a Reply

Your email address will not be published. Required fields are marked *