PNTL Halo Atensaun Seriu ba Krime

PNTL Halo Atensaun Seriu ba Krime

- in Notisias Online
54
0
download (2)

DILI-Organizasaun Sosiedade Sivil neebe toma konta ba defeza no seguransa Fundasaun Mahein (FM) husu ba autoridade seguransa liuliu Polisia Nasional Timor-Leste (PNTL) atu tau atensaun seriu ba kazu krime neebe kontinua akontese iha Dili laran.

Asuntu nee, relata husi koordenador peskiza FM, Sancho Xavier, ba jornalista sira, iha nia knar fatin Fomentu-Dili, Kinta (21/11/2019).

Nia dehan, haree husi krime sira neebe  ikus-ikus nee akontese iha Dili laran,  asalta malu entre joven inklui ema deskonesidu balun halo movimentu iha tempu kalan ho motor depois taka oin metin no lori sasan kroat sona ema iha dalan. Nia parte konsidera hanesan terror ida neebe ameasa ba sidadaun sira ninia movimentu.

Kazu neebe akontese iha Balide no Rai Kotu, ema taka oin metin, depois ho motor sona ema nee konsidera krime nee duni prezisa PNTL tau atensaun seriu,katak Sancho.

Ida nee seriu tebes presiza tau atensaun makas husi membru polisia sira atu halo patrullamentu para bele kontrola situasaun sira hanesan nee. Porque nee asaun terror ida neebe bele fo risku ba ema nia vida.

Nia haktuir, hafoin komandante jeral PNTL Komisariu Polisia,  Faustino da Costa ho ninia vise komisariu Mateus Fernandes, assume kargu foin  fulan 9 resin, krime kontinua sae makas no loron-loron sempre akontese.

Tanba nee mak Mahein sempre kolia beibeik katak, presiza komandu tenke muda mekanizmu ka estratejia no jestaun oinsa atu bele koloka membru sira iha treinu.

Komandante jeral assume ona kargu durante besik tinan ida ona, sira lahalo ida nee. entaun krime nee akontese beibeik.ESTI 05 

 

Komentariu

Facebook Comments

Leave a Reply

Your email address will not be published. Required fields are marked *