PNTL Dili Prende Viaturas 126

PNTL Dili Prende Viaturas 126

- in Metro
402
0
aa_0736_thumb_medium344_0

DILI-Komandu Polisia Nasional Timor-Leste (PNTL) Munisipiu Dili, liu husi operasaun pasa revista durante nee, konsege prende viaturas publiku hamutuk 126 inklui patrimoniu estadu 6.

Tuir Segundu Komandante PNTL, Munisipiu Dili, Superintendente Assistente Polisia, Euclides Belo katak, iha Fulan Agustu nia laran PNTL  Munisipiu Dili prende viaturas publiku hamutuk 126 inklui kareta estadu 6, motor estadu 2.

Viaturas neebe ami  prende husi Fulan Agustu foin lalais  kareta-motor hamutuk 126 nee kareta  76 motor 50, tanba komete infarasaun,” katak  Euclides ba Jornalista sira iha nia  knar fatin Caicoli Dili, Sesta (8/9/2017).

Tuir Euclides katak, polisia nafatin aplika multa ba infrator sira tanba nee regulamentu ba lei kondigu de estrada.

Alende nee katak Euclides, liu husi operasaun cek point  husi Fulan Agustu nia laran Komandu Polisia Munisipiu Dili konsege  hatama reseita ba kofre estadu ho montante orsamentu, U$ 15. 370.00 Dolar Amerikanu.

Ami mos hatama reseita ba kofre estadu ho montante orsamentu U$ 15. 370.00 neebe mak mai husi ita nia infrator sira,” dehan Euclides.

Iha sorin seluk Akademia UNTL, Alexandre de Souza Freitas  dehan, iha ona regulamentu neebe liga ba lei kodigu estrada. Maibe, infrator sira kontinua mosu tanba nee husu ba Servisu Nasional Roda Viaria presiza haklean liutan  sosializasaun ba lei kondiku estrada ho masimu. Atu nunee komunidade sira labele komete infrasaun bebeik.

Hau hanoin infrasaun sira neebe kontinua akontese tanba dalaruma komunidade sira seidauk iha konesimentu diak kona-ba lei kodigu de estrada. Entaun ita husu nafatin Servisu Nasional Roda Viaria haklean sosializasaun lei kodiku estrada ba komunidade sira,” dehan Alexandre.

Nunee mos, tuir observasaun diariu nee iha terenu nota katak, infrator sira kontinua forma hodi hein tiket multa neebe mak pasa husi membru Polisia Munisipiu Dili nia hodi selu multa iha Banku. Lucia Ximnees

Facebook Comments

Leave a Reply

Your email address will not be published. Required fields are marked *