PNTL-BNN Koalia Koperasaun

PNTL-BNN Koalia Koperasaun

- in International, Krime
85
0
download (25)

DILI-Polisia Nasional Timor-Leste (PNTL) no Badan Nasionál Narkotika Indonezia (BNN-I), halao enkontru hodi koalia kona ba koperasaun  iha area kombate droga ka narkotika.

Komandante Jeral Poisia Nasional Timor-Leste (PNTL), Komisariu Faustino da Costa dehan, enkontru ida nee hanesan kontinuasaun hodi deskute kona ba koperasaun servisu entre polisia nasaun rua, tanba durante nee koperasaun entre PNTL ho BNN Indonezia lao diak tebes.

Enkontru ida ohin nee atu kontinua fali koperasaun katak servisu neebe mak hamutuk entre parte rua karik iha parte balun persiza atu hadia, entaun diskusaun, ida ke PNTL halo  atu hare ba oin, karik iha akordu ka MoU ruma atu asina depois ita prepara, dehan Komjer iha Kuartel Jeral, Kaikoli, Dili, Kinta (19/12/2019).

Komandu PNTL ho BNN sei hare formasaun konjuntu maibe formasaun ida laos envolve PNTL deit, maibe ho parte relevante hanesan dirasaun sira seluk, Alfandega, F-FDTL, PSIK, no Prokurador.

Husi rezultadu enkontru ida nee sei hatoo ba governu oinsa atu bele hare, esplika Faustino.

Nia espera katak ho akordu sira nee bele minimiza krime sira neebe mak akontese iha Timor-Leste, liu liu liga ba kazu droga nian.

Iha fatin hanesan, Inspetur Jeral Polisia, Puji Sariono, agradese tebes ba Polisia Nasional Timor Leste tanba bele fasilita ona sorumutu ida nee.

Ami husi BNN, hato agradese ba PNTL tanba bele fasilita ona sorumutu ida nee, objetivu ami nian mai iha Timor Leste atu hasae koperasaun ami nian neebe diak tebes. Ami hare katak futuru dezafius sei todan, tanba nee mak ami espera Komandante Jeral atu bele servisu hamutuk ho BNN hodi kombate narkotika,  dehan nia.

BNN  katak Puji hakarak hametin tan koperasaun ida nee hodi bele fahe informasaun nunee sei halao joint treining neebe sei halao husi nasaun rua kompostu hosi KSTM, karantina, Badan Nasional Pengelolahan Perbatasan no husi parte polisia  nunee bele iha vizaun no misaun neebe hanesan atu nunee labele iha dezafius.

Nia konsidera servisu hamutuk ida nee kapas tebes tanba bele fahe informasaun kona ba modus operandi oinsa mak sira halao nee diak ona, maske nia tatika no tekniku nee sai hanesan servisu parte rua, maibe BNN no Investigador iha Timor-Leste lao kapas. ESTI-01

Komentariu

Facebook Comments

Leave a Reply

Your email address will not be published. Required fields are marked *