PNTL Baucau Lakon Ninia Membru Ida

PNTL Baucau Lakon Ninia Membru Ida

- in Distritu
71
0
Foho Matebian

BAUCAU-Komando PNTL Baucau lakon ninia membru nain ida. Nia maka Sarjentu Chefe Polisia, Aderito da Costa Cimenes Neto. Nia mate iha HNGV Dili iha Sabado semana kotuk tanba moras pulmaun no diabetes.

Matebian ninia isin halot ona iha Semiteriu Buibau Baucau, Segunda (9/10/2017). Komandante PNTL Baucau, Superintendente Chefe Polisia, Jose Soares iha serimonia funeravel hateten, sira triste tanba lakon membru diak ida. Durante ninia moris, matebian fo kontribuisaun makaas ba dezenvolvimentu instituisaun polisia no estabilidade seguransa nasional.

Durante halao knar nudar polisia, matebian koinese nudar airin ida. Nia mak okupa premeiru klase bainhira loke Akademia Polisia Nasional. Nia hetan formasaun diak iha tinan 2003, depois kontinua eskola iha Malaysia tinan ida. Tanba iha kapasidade diak, durante moris matebian okupa kargu barak, hanesan Chefe Investigasaun PNTL Baucau, Komandante Eskuarda no sai Segundu Komandante UPF no Komadante PNTL Baucau.

Ho ninia mate, membru PNTL Baucau mak  mate, nain 13. “Hau espera familia sira neebe lakon ona sira nian oan no aman maibe fo korajen no forsa nafatin para haree sira neebe sei moris, haree ba dezafiu oioin, haree ba instituisaun PNTL. I Komando PNTL sei haree sira nia direitu neebe iha, hodi haree ba oan sira neebe sei kiik. Konaba salariu, Komando sei trata nafatin,” hateten Jose Soares. Iha serimonia funeravel nee, Komando PNTL promove matebian nian devisa, husi Sarjentu Chefe ba Inspectór Asissten. Emerenciana Pinto

Facebook Comments

Leave a Reply

Your email address will not be published. Required fields are marked *