PN Votus Pezar, Saudoso Maulaku

PN Votus Pezar, Saudoso Maulaku

- in Politics
176
0
PN

DILI — Parlamentu Nasional (PN) hatoo votus pezar ba Saudozu Agustinho Pereira Mau Laku neebe husik ona mundu, fila ona ba Aman Maromak nia kadunan Santa, liu husi vota afovor 50, kontra zero no abstensaun zero.

Saudozu Mau Laku iha tinan barak nia laran dedika aan ba luta libertasaun nasional,  hakotu  iha HNGV (Hospital Nasional Guido Valadares), depois loron hirak nia laran halo tratamentu.

Liu husi sesaun Plenariu Tersa (05/03/2019), iha PN. Deputadu sira Isabel Ximenes liu husi seskretariu da meza lee sai profile husi saudozu nian, kona ba dedikasaun saudozu Mau Laku  ba nasaun. Hafoin lee sai profile saudozu nian iha intervensaun Vise Bankada Fretilin Deputadu Francisco Branco hatete, dokumentu neebe lee sai nee atu rai iha PN i rezista memoria Mau Laku nian iha PN. Maibe presiza mos rezista kona ba prosesu tratamentu iha HNGV neebe la rona malu entre pessoal saude no mos husi Ministeriu  da Saude tanba difikulta evakuasaun Mau Laku atu halo transferensia ba tratamentu intensivu iha rai liur, tanba nee rezulta Mau Laku mate.

Entretantu Vise Prezidente PN hanesan mos prezidente em ezersisiu Maria Angelina Sarmento, kona ba kestaun larona malu entre pesoal saude ho ministeriu  ida sai hanesan preokupasaun extraordinariu maibe nee difisil atu tau iha deklarasaun, tanba votus pezar so ba expresa solidaridade PN nian ba saudozu Mau Laku hakotu nia vida.

Preokupasaun nee bele rekomenda governu atu labele akontese tan iha futuru kona ba falta de koordenasaun transfere pasiente ba tratamentu iha rai liur halo pasiente hakotu nia vida. Guilhermina Franco / Madalena Horta

Komentariu

Facebook Comments

Leave a Reply

Your email address will not be published. Required fields are marked *