PN Vota Afavor Komfirmasaun Ba Dekretu Lei Investimentu Privadu

PN Vota Afavor Komfirmasaun Ba Dekretu Lei Investimentu Privadu

- in Economics
261
0
Estanislau da Silva

DILI-Parlamentu Nasional (PN) vota afavor 44, kontra 0, abstensaun 1, ba komfirmasaun dekretu lei no 45/III kona ba lei investimentu privadu neebe prezidente veta.

Tuir Ministru de Esatdo Koordenador Asuntu Ekonomia no Ministru Agrikultura i Peskas, Estanislao da Silva hatete, lei investimentu privadu neebe mak hetan veta husi Prezidente Republika, ohin Parlamentu komfirma para depois prezidente bele promulga iha loron 8 nian.

PN komfirma tanba haree ba lei nee importante tebese iha ita nia rain, liu-liu haree diversifikasaun ekonomika iha ita nia rai agora lao hela ita hakarak halao diak liu tan,” katak Estanilao ba jornalista iha Parlamentu nasional, Segunda (07/08/2017).

Nia hatete, ho lei ida nee importante atu hodi regula aspektu deversifikasaun ekonomika nian, tanba lei aktual investimentu nee lei ida neebe ke bele dehan obseletu neebe laharmoniza ho pratikas korentes internasionais nian, liu-liu pratika neebe halao iha Asean no mos iha nasaun mundial de komersiu nian.

Entretantu Prezidente Parlamentu Nasional Aderito Hugo hatete, dekretu lei Parlamentu Nasional no 45/III kona ba lei investimentu  privadu deputadu sira fo  votus afavor 44, kontra 0, abstensaun 0. Guilhermina Franco

Facebook Comments

Leave a Reply

Your email address will not be published. Required fields are marked *