PN: TL Presiza Kria Akademia Desportu

PN: TL Presiza Kria Akademia Desportu

- in Desportu, Nasional
380
0
download (15)

Editor: Crisogono Magalhães

DILI– Tuir Membru Parlamentu Nasional Antonio da Conceicão dehan, joventude Timor oan barak iha talentu oi-oin konaba desportu maibe akademia desportu neebe apropriadu hodi sira dezenvolve sira nian talentu desportu maka seidauk iha.

Iha hakarak perepara fini desprortu iha Timor-Leste nee presiza kria eskola academia desportu ruma atu nunee dezenvolve desportu iha TL hodi garante kualidade. Uluk eis primeiru Ministru Xanana Gusmão iha ona planu hari iha becora nee hau hanoin diak, hatete Deputado ba jornalsita sira  iha PN, Segunda (06/01/2020).

Nia mos esplika, Governu presiza loke eskola academia desportu neebe apropriadu iha Timor-Leste atu nunee bele dezenvolve desportu modalidades oi-oin iha Timor-Leste.

Hau hanoin governu ida agora nee nia estrutura neebe diak no kompletu tanba liga tia Ministeriu Edukasaun ho Desportu para haree parte desportu hanesan integradu iha parte edukasau, nia informa.

Nia dehan, fatin neebe mak klima favoravel hodi loke academia desportu mak hanesan iha munisipiu Aileu, Ermera, Ainaro Maubesi, Same, par abele halo adaptasaun ho klima.

Antes nee Prezidente Joventude Hadomi Desportu Timor-Leste (PJHD-TL) Francisco Lopes dehan, Timor-Leste ukun aan tinan barak ona maibe dezenvolvimentu desportu iha Timor-Leste lalao.

Ami nia hanoin desportu iha Timor-Leste agora dadauk nee lao hakdasak loos, tanba lao la tuir joven sira nia hakarak, ami koalia hanesan nee tanba realidade agora dadauk nee eventu iha Timor lalao, nia dehan.

Nia mos dehan, desportu iha Timor hakdasak loos nee tanba eventu sira seluk iha Timor-Leste agora nee lalao hanesan voleibal, basketebol, tenis, no seluk tan, so futebol deit mak lao.

Ami nia sujere ba governu katak tinan oin liu-liu SEJD bele tau prioridade liu ba fasilidade sira neebe agora laiha hanesan kampu estandar ba futebol ho futsal, nia hatutan.

Nia hatutan, tinan 2020 nee SEJD tau prioridade liu ba fasilidade neebe laiha.

Hau hanoin governu tenke tau atensaun liu ba desportu hotu-hotu lori Timor-Leste liu husi desportu ba mundu, nia tenik.* Jeniche da Costa

 

 

Komentariu

Facebook Comments

Leave a Reply

Your email address will not be published. Required fields are marked *