PN Seriu  Hare OJE 2020

PN Seriu  Hare OJE 2020

- in Nasional
80
0
c69f08e781e1d63ea1602bb78748fcd0_w340_h250_cp

DILI-Sosiedade Sivil apresia Parlamentu Nasional, tanba iha seriadade hare proposta Orsamentu Jeral Estadu (OJE) 2020 neebe aprezenta husi governu.

Tuir Diretor Exekutivu FONGTIL, Daniel Santos do Carmo,  ema hotu preokupa levantamentu estimativu fundu petroliperu sei implika ba fundu minarai bele menus, bainhira planu governu nian la fo orientasaun ba retornu Estadu.

Governu rekonese montante OJE boot, iha problema tekniku estrutura OJE nee rasik. Nunee governu asumi responsabelidade hodi retira OJE 2020  ho intensaun atu hadia, dehan Daniel  ba STL iha nia knar fatin Caicoli, Dili, Kuarta (4/12/2019).

Nia hatutan sosiedade nia hakarak tenke lao nunee, signifika katak laos naran deskute, runggu ranga  deit aprova ona, maibe deskute ho seriadade no kuidadu, tanba ema hotu preokupa ba moris nasaun nian.

Diretor Exekutivu FONGTIL nee relata ohin loron  ema hotu  preokupa no nein investimentu fundu minarai nian ho kuidadu, nunee bele fo benefisiu ba povu.  Governu  retira nia proposta  OJE, signifika hatun montante OJE neebe boot liu. Nunee bele avansa ho planu prioridade neebe nesesita duni ba dezenvolvimentu.  Tan nee depois governu retira OJE bele lori fali ba Konsellu Ministru no Ministru ida-idak hadia fali nia orsamentu, Nunee  bele avansa fali ho proposta neebe razoabel, no fo prioridade ba povu nia nesesidade, estabilidade, seguransa  no lori retornu ba Estadu.

Governu tuir Daniel tenke  hadia didiak OJE no labele ansi semana ka fulan laiha problema, nunee bele hadia OJE 2020 ho montante nee kapabavel  intermus kapital minor, kapital dezenvolvimentu, transperensia publiku, bens servisu. Hanesan iha Ministeriu Administrasaun Estatal (MAE) bele hare konaba  desentralisazaun, kontrola Administrasaun nasaun nian.

OJE neebe aloka ba MAE mak sosa fali karau nee estrutura OJE lalos, tanba kompetensia atu sosa karau nee Ministeriu Agrikultura no Peskas (MAP) nian, laos MAE, komenta Daniel.

Nia  louva  Parlamentu Nasional tanba bele hare estrutura OJE  nee governu aloka la tuir nia dalan, tanba nee governu retira nia proposta. Espera  governu bele hadia sasan sira nee tuir nia dalan.

Hau hanoin sira iha PN no governu sira iha sensivilidade ba problema sosiu ekonomia neebe ita nia rain hasoru, maibe sira sei deskute OJE nee ho kakutak, onestidade, la selok malu hodi sumba OJE 2020,  Daniel deklara.

Xefi Suku Caicoli Hipolito Marques Sarmento, hateten “ami nudar lideransa senti tristi, tamba proposta OJE 2020 governu retira ou dada fila, ida nee ba maun boot politika sira diak hela, maibe ba povu kiik sira mak terus no sai vitima. Tanba dezenvolvimentu lalaos, liu-liu setor publiku laiha oinsa mak povu bele hetan osan, alinde nee produtu lokal la  folin, nunee  halo povu sai terus aat liutan,” Hipolito salenta.

Nunee mos Xefi Suku Caicoli,  Hipolito Marques husu  Deputadu Parlamentu Nasional 65 no Primeiru Ministru no membru governu sira atu fuan nakloke ba malu  deskute OJE 2020. Nunee  Prezidente Republika, bele  promulga hodi hadia povu nia moris. Augusto da Costa

Komentariu

Facebook Comments

Leave a Reply

Your email address will not be published. Required fields are marked *