PN Preokupa Povu Infrenta Bee Mos

PN Preokupa Povu Infrenta Bee Mos

- in Politics
31
0
asesu-bee

DILI-Problema bee mos nafatin sai preokupasaun iha komunidade nia let, tanba nee Reprezentante povu iha Parlamentu Nasional husu ba governu, atu toma konsiderasaun tanba bee kuandu laiha sai problema ba ema nia moris.

Preokupasaun nee hatoo husi Deputadu David Diaz Ximenes liu husi sesaun Plneria segunda (05/11/2018) iha Parlamentu Nasional.

Ita Preokupa tanba komunidade Dili laran, iha parte balun susar atu hetan bee mos, no komunidade sira iha Munisipiu balun hanesan, Ataba no Balibo, mos susar atu hetan bee mos, tanba nee obriga sira atu konsumu bee merak husi mota laran, tan nee husu ba governu atu toma konsideirasaun,” dehan Deputadu David.

Nia mos afirma liu tan katak, komunidade sira neebe maka hela iha Dili, iha parte balun la hetan bee mos tanba nee, obriga sira tenke lao distansia neebe dook, tanba atu hetan netik bee jeregen ida, problema sira hanesan nee tenke foti duni iha uma fukun ida nee, atu nunee governu buka meus hodi rezolve, maibe problema ida maka iha Dili laran deit mos governu susar atu rezolve, satan iha Munisipiu sira nee.

Iha fatin hanesan Deputada Helena Martins hatutan, problema bee mos laos iha Dili laran deit maka hasoru maibe iha Munisipiu mos hasoru problema hanesan, tanba nee husu ba governu atu toma konsideirasaun lalais tanba tinan ida nee nakonu ho bai loron neebe naruk tan nee, povu infrenta bee mos. Notisia kompletu lee iha jornal STL edisaun Kinta (08/11/2018). Madalena Horta/Guilhermina Franco

Facebook Comments

Leave a Reply

Your email address will not be published. Required fields are marked *