PN Laiha Plenaria, Opozisaun Seidauk Iha Justifikasaun

PN Laiha Plenaria, Opozisaun Seidauk Iha Justifikasaun

- in Politics
1675
0
21392480_1032358820235272_1056240587_o

DILI– Aliansa Maioria Parlamentar (AMP) seidauk iha justifikasaun klaru tansa Parlamentu Nasional (PN) laiha plenaria durante loron rua iha semana kotuk. Too agora sira sei kontinua kestiona.

Membru Bankada PLP Mericio Akara hatete, sira sempre ativu iha PN maibe ajenda ba plenaria laiha. Tanbasa laiha plenaria, sira sei kestiona. Tuir rejimentu PN, kada Segunda no Tersa, PN iha plenaria.

Ami check didiak, PN laiha plenaria, nee laiha razaun ida. Tan nee, ami sei husu justifikasaun ba Prezidente PN. Se lae publiku hatete ami deputadu sira lahalao knar iha PN,” hatete Mericio ba jornalista iha Uma Fukun PN, Dili, Kuarta (6/12/2017).

Babain, nia dehan, plenaria iha ka laiha, Prezidente PN konvoka reuniaun entre lider bankada hodi justifika razaun. Maibe loron rua laiha plenaria iha semana kotuk, nee laiha razaun ida atu justifika.

Laos nee deit. Tuir Mericio, sira hatama karta destituisaun. Sira hakarak Prezidente PN servisu imparsial, servisu ho diak, tanba ajenda balu opozisaun hatama hanesan rekursu ba OR, mosaun sensura, maibe Prezidente PN lahalo ajenda.

Hatan kestaun nee Sekretaria PN Lidia Norberta esplika, PN nian atividade lao normal, mezmu durante loron 2 laiha plenaria iha semana kotuk. Laiha plenaria tanba agora PN sei konsentra ba desizaun neebe mak foin dadaun hatuun husi Prezidente Meza PN atu halo diskusaun ba proposta urjensia OR neebe nakfila ba karater normal iha komisaun sira.

Ho nunee, deputadu/a husi opozisaun koopera diak ho desizaun neebe Prezidente PN foti ona. Neebe agora sira foin halo sevisu komisaun hotu. I hatudu katak, bankada 5 mos iha ona kooperasaun diak. Mezmu iha deskobransa balu, maibe hatudu katak agora bankada 5 komesa halo kooperasaun diak.

Iha diskusaun komisaun neebe halo, hein rezultadu mak sei halo ajenda, maibe karik komisaun sira presiza atu extende tan tempu  entaun prezidente sei bele foti konsiderasaun hodi bele fo tan tempu atu nunee hodi foka liu tan sira nia servisu iha komisaun.

Opozisaun dehan Prezidente PN viola rejimentu PN nian tanba lahalo plenaria, Lidia hatete, nee kompetensia opozisaun sira atu deklara sira nia deklarasaun. Nia parte labele fo komentariu liutan. Guilhermina Franco

Facebook Comments

Leave a Reply

Your email address will not be published. Required fields are marked *