PN Kestiona Eletrisidade Mate Lakan

PN Kestiona Eletrisidade Mate Lakan

- in Metro, Nasional, Politics
288
0
download

Editor: Godinho Barros

DILI-Reprezentanten povu iha uma fukun Parlamentu Nasional, preokupa ho eletrisidade neebe kontinua mate lakan iha rai laran.

Ita nia povu iha baze preokupa tebes ho ahi neebe maka sei kontinua mate lakan, nia vantajen ba povu nee maka saida, tanba ema hotu sosa pulsa, dehan Deputada Gabriela  Alves liu husi plenaria, iha PN, Tersa (11/02/2020).

 Nia hatutan eletrisidade laos mate deit iha Dili laran maibe iha mos munisipiu, aat liu komunidade sira neebe hela iha foho, kalan ida ahi lakan, kalan rua tolu sunu lilin,  tanba ahi mate. Tan nee presiza klarifikasaun.

Problema eletrisidade nee laos foin akontese, maibe kuaze bebeik tiha ona, no ita koalia atu halo dezenvolvimentu ba povu, maibe loron kalan ahi mate lakan, oinsa dezenvolvimentu bele lao ba oin, tanba ahi mate lakan, fo impaktu sasan eletronik sira aat hotu, dehan Deputada nee.

Iha fatin hanesan Deputadu Domingos Lemos dehan, problema ahi mate lakan laos iha kapital Dili deit, maibe akontese mos iha Munisipiu Ermera, kalan ida rua lakan,  kalan tolu haat  mate, tan nee presiza tau atensaun.

Hau hanoin ita nia povu presiza naroman, tanba nee governu tenke konsidera, tanba ahi mate,   bee mos maran, oinsa ita nia povu atu moris, tanba nee husu governu atu fo atensaun ba problema kiik oan sira nee, dehan Lemos.

Hatan ba preokupasaun nee Reprezentante governu, atual Sekretariu estadu komunikasaun sosial, Mericio Akara dehan, problema  sira neebe maka deputadu sira foti iha uma fukun ida nee liu liu eletrisidade neebe mate lakan,  sei hatoo ba Ministeriu kompetente atu bele buka solusaun. Reportajen:Madalena Horta

Komentariu

Facebook Comments

Leave a Reply

Your email address will not be published. Required fields are marked *