PN Husu Rezultadu Investigasaun Ba Administrador Zumalai

PN Husu Rezultadu Investigasaun Ba Administrador Zumalai

- in Nasional
57
0
21392480_1032358820235272_1056240587_o

DILI-Reprezentante povu iha uma fukun Parlamentu Nasional PN, husu ba governu atu halo akonpanamentu ba andamentu prosesu investigasaun Matebian Administrador Postu Administrativu Zumalai Munisipiu Covalima, Santiago Barreto neebe mate iha fulan kotuk ba nee.

Ami husu governu atu halo akonpanamentu andamentu Ministeriu Publiku nian, ba prosesu investigasaun atu nunee bele hare suspetu sira neebe involve aan hodi hamate Administrador nee, tanba familia matebian hein hela prosesu investigasaun nee lao too iha neebe,”kesatun nee foti husi Deputadu Patrosino Fernandes liu husi sesaun plenaria Tersa (12/03/2019) iha Parlamentu Nasional.

Nia mos afirma liu tan katak, familia sira hakarak hatene prosesu investigasaun nee lao too iha neebe, tanba familia sira hakar hetan justisa no lia los, tan nee karik polisia iha ona indisius ba suspetu sira maka, husu atu Ministeriu Publiku bele hasai mandadu de kapturasaun hodi kaptura autor sira nee.

Tuir Deputadu nee katak, ema neebe mate nee Administrador do postu ida no nia mate fulan ida ona maibe no iha esforsu sira neebe buka atu hamate, maibe intervensaun Ministeriu Publiku nian maka hanesan nee deit, asaun krime sira hanesan nee laiha seridade atu tau atensaun, tan nee husu governu atu akonpana andamentu sira nee, ho nunee famialia matebian bele hetan Justisa.

Iha fatin hanesan Deputadu Francisco Branco mos hatutan, los duni Administrador Postu Zumalai nia mate nee besik fulan ida ona, maibe too agora seidauk hatene nia prosesu nee lao oinsa. Notisia kompletu lee iha jornal STL edisaun Kinta (14/02/2019). Madalena Horta

Facebook Comments

Leave a Reply

Your email address will not be published. Required fields are marked *