PN Husu Prosesu Investigasaun Faan Feto

PN Husu Prosesu Investigasaun Faan Feto

- in Nasional
201
0
Adriano

DILI-Reprezentante povu iha uma fukun Parlamentu Nasional (PN), husu ba Governu atu klarifika, konaba informasaun ema balun faan Timor oan iha Cina, nia prosesu investigasaun nee lao too iha neebe ona. Tanba tuir informasaun katak Timor oan iha Cina nee hamutuk ema nain 8 feto 7 no mane ida.

Kestaun nee foti husi Deputadu Adriano do Nascimento, liu husi sesaun debate Orsamentu jeral do estadu tinan 2019, neebe tama ona ba loron 8 iha Parlamentu Nasional Kinta (20/12/2018).

Hau preokupa tanba alin feton sira nee ema lalin ba too Nasaun seluk maka, ita nia imigrasaun nia servisu nee halo saida, tanba ema sira nee ba parese liu husi dalan rua maka, Fronteira no Aeroportu. Tanba nee ami hakarak rona informasaun klaru, karik ema nain 8 nee los maka oinsa politika governu nian atu rezolve kestaun nee,”informa Deputadu Adriano.

Nia mos afirma liu tan katak, planu ka ou politika governu nian ba oin nee oinsa atu nunee, bele prevene sidadaun sira neebe infrenta hela problema sira hanesan nee atu nunee aban bain rua labele sai fali kestaun ou problema sira hanesan nee iha publiku nia leet, tanba tuir informasaun katak ema nain 8 nee detein ona iha Cina.

Hatan ba preokupsaun nee Ministru Defeza e Ministru Interino Interior, Filomeno Paixao hateten, tuir informasaun neebe maka iha katak, sidadaun Timor oan nain 8 detein duni iha Imigrasaun Cina nian, sira nain 8 nee feto maka nain 7 no mane ida, tanba nee maka embaxada Timor Leste nian iha Cina buka hela atu rezolvle problema sira nee tuir Lei Cina nian.

Nia mos afirma liu tan katak, iha mos informasaun  seluk ida tan katak, imigrasaun Cina kaptura sidadaun sira nee, iha mos sidadaun Nyanmar balun neebe uza mos pasaporte Timor Leste nian hodi halo mos atividade iha Cina, no ema sira nee hetan kapturasaun hotu ona husi imigrasaun Cina nian. Informasaun kompletu iha STL Jornal, edisaun Sesta (21/12/2018). Madalena Horta/Guilhermina Franco

Facebook Comments

Leave a Reply

Your email address will not be published. Required fields are marked *