PN Disolve, Situasaun Sepi

PN Disolve, Situasaun Sepi

- in Nasional
463
0
PN-TL

DILI– Parlamentu Nasional (PN) disolvidu, oras nee dadaun situasaun sepi (fuik) tebes, tanba laiha ona diferente politiku husi opozisaun no kooligasaun hodi harame situasaun politiku iha PN.
Situasaun Parlamentu Segunda (12/02/2018), lao sepi tebes,i situasaun nee lao hahu kedas iha momentu Prezidente Republika (PR) foti desizaun hakotu impase politiku iha  loron Sesta dia 26 Janeiru foin lalais nee.

Durante nee PN seidauk hetan disolve, politiku harame tebes situasaun  ou impase politiku, lor-loron deit iha PN.

PN iha Kuartu lejislatura hahu halao tomada de pose iha  dia 5 de Setembru 2017, nunee kontinua halao eleisaun ba prezidente  PN, rezultadu ikus PPN mak Aniceto Guterres hodi lidera  mandatu kuatru lejislatura.

Iha momentu nee mos partidu 5 neebe hetan asentu parlamentar mak hanesan Fretilin, CNRT, PLP, PD no Khunto, husi partidu 5 nee partidu 3 mak atu tama iha kooligaasaun hanesan Fretilin, PD, no Khunto, opozisaun mak CNRT ho PLP. Ida nee bele garante governu ba too tinan 5, tanba kooligasaun maioria ho kadeira 35, tanba kompostu husi partidu 3 Fretilin  23, PD 7, Khunto 5.

Maibe ikus mai iha negosiasaun forma VII governu, partidu Khunto fila sira nia pozisaun hodi ba iha opozisaun, ho situasaun ida nee opozisaun maioria iha PN, tanba CNRT 22 kadeira, PLP 8 kadeira no Khunto 5 kadeira hamutuk 35 kadeira. Ho nunee opozisaun mak maioria parlamentar.

Hafoin nunee kooligasaun hela husi Fretilin ho PD, maibe partodu 2 nee fiar aan hodi forma  VII governu Konstitusional, mezmu minoria parlamentar.

Situasaun lao mai too 16 Outubru 2017, VII governu hahu aprezenta programa dahuluk, deskute durante loron loron 4 maibe husi opozisaun rejeita programa. Ho nunee situasaun politika iha PN komesa lao namanas. Mezmu posibilidada ba governu atu aprezanta programa daruak, maibe governu seidauk lori ba aprezenta. Ho nunee opozisaun neebe hanaran (AMP) Aliansa Maioria parlamentar hahu hatama mosaun sensura hasoru governu. Aleinde nee governu mos lori orsamentu ratifikativu ba iha PN  maibe nafatin hetan rejeita husi opozisaun

Ho situasaun nee, politika iha PN lao hetok namanas liu tan, impase polika iha PN, tanba bankada kooligasaun ho opozisaun diferente ideias. Durante fulan 6 nia laran, kooligasaun ho opozisaun halao politika dudu malu ba mai deit, laiha solusaun.

Iha momentua neeba mos resintu PN hahu husi Estrada ba too PN laran  nakonu ho seguransa hodi asegura situasaun refere.

Ho impase politika nee lao durante fulan 6 laiha solusaun, Prezidente Republika bele foti desizaun hakotu impase politika, tanba tuir artigu 100 konstituisaun.

Ho nunee iha 26 janeiru PR halao knaar tuir nia kompetensia neebe iha hodi foti desizaun ba Eleisaun Antisipada, hahu  iha loron neeba kedas too agora situasaun PN sepi tebes.

Mezmu PN estabelese ona Komisaun Permanente ( KP) neebe kompostu husi partidu 5 hamutuk deputadu nain 29, maibe situasaun agora diferensa  tanba agora PN sepi  o fuik tebes, laiha lian politika neebe hakilar malu makas, tuku meza no hatudu liman ba malu,  kompara ho situasaun neebe hakat liu ona fualn 6  nia laran. Guilhermina Franco

Facebook Comments

Leave a Reply

Your email address will not be published. Required fields are marked *