PN Aprova Proposta Lei Divizaun Administrativu

PN Aprova Proposta Lei Divizaun Administrativu

- in Notisias Online, Top News
813
0
PN..........

DILI- Reprezentante povu iha uma fukun Parlamentu Nasional (PN), aprova proposta lei divizaun administrativu teritoriu hodi desidi munisipiu 12, reziaun espesial ida nomos fo oportunidade bele hamosu tan munisipiu foun.

Deputadu sira  halo diskusaun klean ba proposta lei divizaun administrativu ho governu liu husi sesaun plenaria,durante debate deputadu Joaquim dos Santos konsege hatama rekerementu hodi loke diskusaun foun maibe la aprova tamba hetan votus afavor 17, kontra 24 no apstensaun 8, Tama iha vutasaun final global deputadu sira konsege aprova ho votus afavor 32, kontra 1 no apstensaun 17.

Tuir Deputadu Bankada Fretilin Paul Maia hatete Proposta lei divizaun administrativu nee atu fahe administrasaun nasional neebe muda distritu sai Munisipiu nune bele fo poder lokal ba munisipiu sira.

Lei nee nia kontiudu mak atu fahe administrasaun nian husi nivel nasional too iha postu administrativu,” dehan Paul ba STL Segunda (18/04/2016) iha Parlamentu Nasional.

Nia hatete lei nee mos atu fahe kompetensia ba iha munisipiu no mos postu administrativu nune bele kria balansu administrativu hodi halao sira nia knar ho lolos maibe se iha ligasaun husi suku too iha nasional.

Iha fatin hanesan Ministru Estadu Kordenador Asuntu Administrativu no Ministru Administrasaun Interna Dionisio Babo hatete lei nee koalia kona ba administrativu territorial hodi determina administrasaun territorial no mos atribui kompetensia ba munisipiu. Informasaun kompletu iha STL jornal no STL Web, edisaun Tersa (19/4/2016). Timotio Gusmao

 

Komentariu

Facebook Comments

Leave a Reply

Your email address will not be published. Required fields are marked *