PN Aprova Projetu Deliberasaun Komisaun Espesializadas Permanente

PN Aprova Projetu Deliberasaun Komisaun Espesializadas Permanente

- in Nasional
466
0
Aniceto Guterres

DILI– Deputadu iha uma fukun Parlamentu Nasional (PN) aprova projetu deliberasaun no 2/IV konstituisaun komisaun espesializadas permanentes. Tanba nee iha komisaun 7 no koloka deputadu kada komisaun maksimu nain 11, minimu nain 7.

Antes aprovasaun, iha diskusaun husi deputadu sira bankada no ikus mai hetan solusaun hodi aprova. Tanba nee Aprovasaun projetu deliberasaun komisaun espesializadas permanentes, nee liu husi sesaun Plenaria kuatru lejislatura, Segunda (11/09/2017) iha Uma Fukun PN.

Tuir Prezidente Parlamentu Nasional Aniceito Guterres katak, resultadu diskuasun no aprovasaun ba projetu deibarasaun ho votus afavor 59, kontra 0 no abstensaun 0.

Rezultadu ba diskusaun no votasaun projetu de deliberasaun no 2/IV-konstituisaun ba komisaun espesializadas permanentes, ho votus afavor 59, kontra 0, abstensaun Zero. Ho nunee deputadu sira aprova ona projetu deliberasaun ba komisaun espesializadas permanentes,” katak Prezidente PN.

Iha fatin hanesan xefi Bankada Fretilin Francisco Branco hatete, Fretilin koloka hotu nia ema, komu iha alterasaun oituan neebe sei hare fila fali. Nia sublina deit primeira desizaun ohin nee hatudu rezultadu diak husi entendimentu bankada sira iha uma fukun PN. Neebe haree ba entendimentu iha uma fukun ida ne sinal diak tebes ba oin.

Entre tantu Vice Xefi Bankada Khunto Olinda Guterres hatete kada komisaun sira partidu Khunto ema nain 5 deit fahe ba komisaun 7 nee ema latoo, maibe  ema nain 5 nee  kada ema ida iha komisaun ida, sei hela tan komisaun 2 entaun, neebe aban mak sei haree. Guilhermina Franco

Facebook Comments

Leave a Reply

Your email address will not be published. Required fields are marked *