PN Aprova Pedidu Karater Urjensia

PN Aprova Pedidu Karater Urjensia

- in Politics
105
0
Maria Angelina Lopes Sarmento

DILI-Deputadu sira iha Parlamentu Nasional (PN), aprova pedidu karater urjensia, Orsamentu Jeral Estadu 2020 neebe aprezenta husi governu.

Pedidu ho karater urjensia nee aprova, ho votus afavor 37, kontra zero, abstensaun zero.

Liu husi sesaun plenariu Segunda (23/12/2019), halo debate ba pedidu karate urjensia, hafoin Prezidente PN baixa proposta OJE 2020 neebe mai ho karater urjensia nee ba komisaun C hodi halo relatoriu paraser.

Prezidente PN Interina Maria Angelina Sarmento liu husi debate fo tempu ba Prezidente  komisaun C, hodi lee rezultadu relatoriu paraser  ba proposta karater urjensia.

Hafoin lee pedidu  karater urjensia nee Deputadu bankada Fretilin Joaquim dos Santos hatete, ba nia aree husi substansia rekerimentu proposta OJE governu foin lori mai ho titulu nova proposta orsamentu, komparasaun ho paraser komisaun C nian nee mezmu ke governu ho nia pedidu urjensia, maibe  iha kontradisaun juridiku. Nia parte lakomprende asesor sira halo asesoria ida favoritizmu, iha kontradisaun aspetu ida nee.

Fundamentasaun neebe komisaun C paraser bazeia deit ba deklarasaun politika, iha altura halo debate iha jeneralidade, maibe labazeia ba norma neebe orienta aprezentasaun proposta orsamentu, governu nia pedidu urjensia mos lafundamenta tuir prinsipiu normativus, neebe jere prosesu lejslativa ba halo orsamentu estadu, katak Joaquim.

Nia afirma, governu mos bazeia deit ba deklarasaun politika, iha debate parlamentar la veinkula desizaun, esepsu  husi debate altura neeba governu foti pozisaun katak  aseita erru, i retira proposta orsamentu.

Nia relata kuandu prosposta retira prosesu orsamentu iha altura neeba taka ona, se governu halo pedidu urjensia atu dabate ba proposta anterior hatama iha dia 15 de Outubru nee deskutivel, tanba dentru das norma, maibe governu halo pedidu urjensia neebe hatama iha dia 19 Dezembru nee fora husi regras. Tanba nee governu nia fundamentu ba pedidu urjensia nee laprense rekezitus formais.

Nunee mos Xefe Bankada Fretilin Aniceto Guterres hatete, komesa husi proposta governu nee iha proposta hakerek novu proposta, karta nee dirije ba PN husi PM,  husu mos pedidu urjensia. Maibe iha momentu retira orsamentu PM promete loron 10, iha loron 13 hatama mai maibe lakonsegue kumpri, hodi dia 19 mak hatama mai fali, maibe tama mai husu fali urjensia, se buat nee urjensia duni nusa mak iha dia 13 nee la lori mai, ida nia kestiona.

Tuir nia, atraza tiha ona husi neeba too dia 19 mak hatama depois husu tan urjensia, depois hatama iha dia 19 dia 20 PM ba ferias.

Nunee mos Deputadu  Bankada Khunto Luis Roberto dehan, proposta OJE 2020 ho karater urjensia nee loos tanba foin dadaun proposta OJE nee mai iha debate, maibe depois governu retira, agora lori fali mai, tan nee presiza duni atu halo debate urjensia. I rejimentu PN mos fo dalan atu aselara lalais OJE  hodi debate iha tempu badak nia laran.

Tuir nia, proposta governu ho pedidu karater urjensia katak nee violasaun, maibe rejimentu  iha artigu 97 fo dalan. Nunee mos hare ba rejimentu PN iha artigu 94 iha alina 1, katak projetu no proposta de lei neebe lavota iha sesaun lejislativa, neebe aprezenta lapresiza hafoun iha hikas sesaun lejislativa sira neebe tuir mai.

Ha nao ser que lejislativa remata ona, neebe tuir nia hatene rejimentu fo dalan hela neebe laiha violasaun, tenik nia.

Deputadu nee hatutan iha momentu governu dada fila nee laos deputadu sira mak obriga, maibe proponente sira mak dada fila. Neebe karater urjensia nee bele, atu tama ba 2020 labele uza duodesimu iha tempu naruk.

Hafoin iha debate, Prezidente PN interina Maria Angelina Sarmento sub-mete ba votasaun, liu husi votasaun aberta deputadu sira fo votus afavor 37, kontra 0, abstensaun 0. Votus afavor nee mai husi bankada kooligasaun ka bankada governu PD no UDT/FM, ba bankada Fretilin marka prezensa maibe lafo votus. Guilhermina Franco/ Lucia Ximenes

 

Komentariu

Facebook Comments

Leave a Reply

Your email address will not be published. Required fields are marked *