PN Aprova Membru Delegasaun UIP-Grupu Nasional AP-CPLP

PN Aprova Membru Delegasaun UIP-Grupu Nasional AP-CPLP

- in Nasional
459
0
PN-VOTA

DILI – Parlamentu Nasional (PN) aprova delegasaun membru deputadu ba Uniaun Inter-Parlamentra (UIP), ho votus Afavor 62, kontra 1, abstensaun 2. Inklui mos halo aprovasaun ba grupu nasional Asemblea Parlamentar Cplp (AP-CPLP) ho votus afavor 62, kontra 2, abstensaun 1.

Liu husi sesaun plenaria Sekretaria Meza PN lee sai kandidatu sira iha delegasaun membru deputadu ba Uniaun Inter Parlamentra (UIP), no grupu nasional PN ba Asemblea Parlamentar CPLP (AP-CPLP). Hafoin deputadu sira halao votasaun liu husi votus sekretu hodi aprova.

Liu husi sesaun Plenaria Tersa (19/09/2017) iha PN, Prezidente PN Aniceto Guterres hatete, rezultadu husi votasaun ba grupu nasional ba uniaun interparlamentar maka ho votus afavor 62, kontra 1, abstensaun 2, ho nunee grupu nasional ba uniaun parlamentar aprova.

Nia hatete, hanesan bain-bain grupu nasional nee presiza iha Prezidente no vice prezidente. I delegasaun nee atu sai ba atende komferensia uniaun parlametar. Nunee prezidente PN husu atu hili Prezidente ho Vice prezidente iha grupu nee mai husi deputadu sira neebe mak iha ona esperensia tuir ona komferensia uniaun parlamentra nian.

Entretantu kona ba Grupu Nasional da CPLP nian, rezultadu votasaun ho votus afavor 62, kontra 2, abstensaun 1. Ho nunee gurpu nasional ba assemblea parlamentar CPLP aprova ona. Husu mos atu grupu nasional ba CPLP nian atu bele halo ona reuniaun hodi hili prezidente no vice prezidente. Guilhermina Franco

Facebook Comments

Leave a Reply

Your email address will not be published. Required fields are marked *