PN Adia Eleisaun Membru CSDS

PN Adia Eleisaun Membru CSDS

- in Politics
120
0
PN-VOTA

DILI-Parlamentu Nasional (PN) adia tan eleisaun membru ba Consellu Superior Defeza i Seguransa (CSDS). Adiamentu nee halo tanba konsensu husi Bankada PD, Khunto no PLP atu hili kandidatu nain 1 nee, seidauk iha solusaun.

Enkuantu membru neebe atu saim membru CSDS, iha nain 3. Husi nain 3 nee, nain ida husi Fretilin, ida husi CNRT, ida seluk sei hein konsensu husi bankada 3 hodi deside sira nia reprezenta nain ida. Liu husi sesaun plenaria PN, Tersa (10/10/2017), PN iha diskusaun ba eleisaun membru ba Consellu Superior Defeza i Seguransa (CSDS), presiza ema nian 3, neebe husi Fretilin ho CNRT fiksu ona, maibe husi bankada kiik 3 seidauk fiksu tanba nee sei hein tan iha konsensu ida mai husi banakda kiik 3 hodi deside sira nia ema, mak halao elisaun.

Xefi Bankada Khunto Luis Roberto da Silva hateten, haree ba membru ba CSDS adia dala 3 ona, tanba deit latuir malu iha konsensu, maibe Khunto nia haree katak  bazeia ba rejimentu internu PN nian,  sira hakarak Fretilin ida, CNRT ida, PLP ida los ona, tanba bazeia deit ba kadeira iha PN.

Maibe meza PN husu atu tuur hamutuk husi bankada kiik 3, sira prontu atu tuur hamutuk, maibe sira sei mantein katak bazeia ba proporsionalidade nee mak sira hakarak haree ba kadeira iha PN, naran katak ba tau aas interese nasional.

Nunee mos Xefi Bankada PLP Fidelis Magalhaes hatete, diskusaun iha obsaun ketak-ketak, tanba nee husi PLP prefere katak iha partidu 3 neebe lahetan jata proporsional, atu nain id aba reprezenta deit,  tanba nee iha konserta nee PLP retira hodi apoiu kandidatu husi Khunto nian, maibe  parte PD lakokorda, neebe ohin adia.

Meza fo tan oportunidade atu bele koalia, maibe durante nee ami tuur hamutuk ona, maibe tanba here ba fatin nee nain 3 deit, neebe husi bankada kiik 3 tenke deside nain 1, tanba nee mak PLP evakua hodi apoiu kandidatu Khunto, atu ba reprezenta bankada 3 nian, maibe PD lakonkorda.

Hau hanoin ita hotu tenke fuan boot atu apoiu hodi avansa ba oin,” katak Fidelis.

Meza fo tan tempu ba bankada 3 atu tuur hamutuk, neebe sira sei bele koalia atu hodi deside kandidatu nain ida.

Xefi Bankada PD Maria Tereza da Silva haree katak, tuir proporsionalidade membru CSDS iha nain 3, neebe tuir los Fretilin hetan nain 2, CNRT nain 1, maibe iha konsensus ba ida nee hakarak bankada sira hetan kontribui hotu iha laran, tanba nee muda fali Fretilin nain 1, ba fali bankada kiik 3 PD, PLP, no Khunto sira atu halo konsensu hodi hili sira nia reprezenta nain ida.

Ami seidauk iha konsensu atu se mak ba maibe Khunto ho PLP aprezanta ona katak Khunto mak ba, dehan katak PD aseita, maibe PD seidauk aseita,” katak nia.

Nia afirma, atu se deit mak ba nee tenke nee presiza ema hotu aseita, tanba nee PLP lori lista Khunto nian ba maibe PD seidauk aseita, maibe ohin meza PN husu atu bankada 3 nee tuur hamutuk fali hodi iha konsensu hodi hili sira fali kandidatu ida sira sei tuur hamutuk atu nunee deside ema ida ba tuur iha CSDS. Alende adia eleisaun membru CSDS, PN mos adia tan elisaun ba membru Comisaun Funsaun Publika (CFP).

Aprova Jornal PN

Aleinde nee Parlamentu Nasional mos halao aprovasaun ba edisaun  jornal PN no 1/2017, datadu de 5 Setembru 2017.Liu husi sesaun plenaria deputadu sira iha Uma Fukun Parlamentu Nasional   liu husi eleisaun direta  deputadu husi bankada 5, nee fo votus afavor 64, kontra zero, abstensaun zero, ho nunee edisaun jornal PN no 1/2017 aprova. I Tuir Prezidente Parlamentu Nasional Aniceto Guterres hatete iha sesaun plenaria katak, ohin deputadu sira aprova ona jornal PN no 1/2017, ho total votus husi deputadu nain 64, afavor 64, kontra zero, abstensaun zero. Ho nunee PN aprova ona jornal PN. Guilhermina Franco

Facebook Comments

Leave a Reply

Your email address will not be published. Required fields are marked *