PN Adia Debate OJE  

PN Adia Debate OJE  

- in Nasional, Politics
28
0
Luis Roberto

DILI-Timor Leste lakon patriota ida, neebe fo kontribuisaun makas ba libertasaun nasional nomos dezenvolvimentu  nasaun.

Lia hirak nee hatoo husi Segundu Vise PN Luis Roberto hatete, tuir kalendariu PN, horseik dia 25 nee atu debate OJE 2020 iha jeneralidade, maibe tanba maluk deputadu Gilman hakotu nia iis horseik dadersan, nunee debate adia ba ohin Tersa dia 26.

Ami hotu sei ba vizita deputadu Gilman nia mate isin iha nia rezidensia, depois ohin mak foin bele kontinua debate. Ami sente lakon ema diak ida, tanba nuudar reprezentante povu durante nee ativu hela serbisu, maibe derepente hakotu iis,hatete Luis ba Jornalista  sira, iha PN, Dili, Segunda (25/11/2019).

Nia dehan, mate isin sei lori ba PN, maibe depende ba familia sira atu deside iha sa loron, husi PN hein deit. Enkuantu kona ba serimonia funebre PN sei partisipa, maibe mos sira iha PN sei tuur hamutuk atu koalia nunee hodi kontaktu ho familia matebian.

Tanba tuir nia katak, durante nee sira lahatene deputadu sofre moras, tanba matebian rasik durante nee ativu hela serbisu. Tanba nee sira laidentifika katak deputadu nee kona moras, maibe sira hakfodak  ho novidade nee tanba rona deputadu nee hakotu  nia iis.

Tuir Observasaun jornalista STL  iha Parlamentu Nasional hare katak, partisipantes barak mak atu ba partisipa debate OJE tinan 2020, maibe iha sala plenariu laiha deputadu , iha deit konvidadus sira.

Tanba PN halao enkontru urjente atu haree ba  deputadu Gilman nia mate, hafoin enkontru lider bankada hasai desizaun adia debate, husi parte tekniku mai aviza kedas ba komvidadus sira atu bele fila, tanba PN hasoru hela situasaun tristeza.

Entretantu Gilman Expostu dos Santos, moris iha suku Fatubessi, Postu Administrativa Hatulia, Munisipiu Ermera iha loron 04 fulan Jullu tinan1956, nuudar deputadu efetivu husi bankada UDT/FM.

Saudozu  kaben hosi Armandina Gusmao dos Santos, neebe hanesan alin feto husi Lider Karismatiku Kay Rala Xanana Gusmao. Guilhermina Franco / Madalena Horta

Komentariu

Facebook Comments

Leave a Reply

Your email address will not be published. Required fields are marked *